VOV4.K’ho - Ờ hềt thàn bơt bơtàu wơl bơh ala\ gơbàn aniai kơnjơ\ ngan bơh dơ\ tih dà, dà ko\ dà cò gơlik geh tàm gùl nhai 10, den tu\ do, làng bol tàm ala\ càr tiah tàm gùl lơgar gam pal kong mờ ua\ ngan kal ke bơh dà tih, dà cò pa gơbàn. Tus drim ngai 2/11, mìu nhàc tih dà tàm càr Quảng Bình neh lơh  2 na\ cau chơt, 5 na\ cau sồt sa\, rlau 18 rbô hìu gơbàn gơ ngơr bam tàm dà jrô. Anih duh broa\ làng bol càr Quảng Bình neh lam sồr ala\ gah, sơnah lơh broa\, mpồl geh  trơ gùm mpồl cau ling sền gàr nhàr lơgar, kuang àng mờ mpồl ơruh pơnu tus ala\ tiah gơbàn dà lơh aniai, tiah gơ ngơr bam dà, gơ ngơr  jrô tàm dà geh tus mo dong làng bol. Gơnoar atbồ [òn lơgar kung gam lơh ngan ai cau mờ phan bơna bơsong ala\ gơl gùng gơbàn tơrlah kơnjơ\, geh bơt niam wơl ala\ bơtơt kang dà gơbàn dà cò bơh mìu nhàc.

Ai tàm càr Quảng Trị, drim òr dà ko\ dà cò tàm càr neh hoài soat jơh, làng bol jal mhar pơs wàs hìu đam. Tàm kơnhoàl Cam Lộ là tiah gơtìp aniai kơn jơ\ ngan rlau jơh tài bơh mìu dà ko\ dà cò neh lam sồr jơh mpồl kuang àng, ling klàng, ơruh pơnu, mpồl rơcang gàr [òn tus tàm ală tiah kuơ màng nàng dong làng bol bơsong jơnau gơlời wơl. Tu\ do, ală mpồl lơh broă gam jal mhar lơh niam wơl ală broă lơh drơng mpồl bơtiàn in bè hìu sơnơm ntum, hìu bơsram, khòm tơr gùm tờm chi gơpừ, tuah wàs ù, bo\ tàm ală gùng lòt. Drim òr, kuang đơng lam bồ kơnhoàl Cam Lộ, càr Quảng Trị neh lòt sền ală tơnau dơng dà, đơng lam broă yuh dà, tam pà dipal nàng ờ lơh aniai tus làng bol.

Tàm càr Bình Định, mìu dờng tàm nđờ ngai do neh lơh gơbàn hòac hươr tàm ala\ kơnhòal Vĩnh Thạnh, Hoài Ân, Phù Mỹ mờ Hòai Nhơn. Tàm hơ\, 2 nơm hìu  tơrlah, 18 nơm hìu gơ pồ rkàng, 1.200 nơm hìu gơ bam tàm dà. Ua\ gơl gùng lòt tàm [òn, ròt bơtơt rbòng dà gơbàn tơrlah mờ khà gơbàn git nđờ rbô khối. Git nđờ rbô lồ phan sa, phan ròng dờng, iar ơda gơbàn dà pơrdô. Gùng Vĩnh Kim-Vĩnh Sơn mờ gùng kềng gah tơnau dà Bình Định gơbàn tơrlah geh lơh gơ kòl  gùng lòt. Ồng Trần Quốc Lại kuang atbồ anih duh broa\ làng bol kơnhòal Vĩnh Thạnh, càr Bình Định ai git, càr gam lơh ngan mhar mo dong làng bol trờn, geh lơh niam wơl bơh dà lơh aniai.

                                              Cau cih mờ yal tơnggit K’ Brọp mờ K’ Duẩn