VOV4.K’ho - Geh crơng gơs bơh nam 1965, Tiểu đoàn 301, Trung đoàn 994 neh lơh geh uă pha lin dờng màng tàm kơnòl tam lơh, sền gàr mpồl kac màng càr dê. Bơh tơnơ\ ngai tơngklàs nhai 3 nam 1975 tus tu\ do, Tiểu đoàn 301, Trung đoàn 994 neh mut lơh git nđờ jơt dơ\ pơlam tàp cau ling pa, ai git nđờ rbô nă cau ling neh geh pơlam tàp ală pôs ling tàm càr Lak, tu\ do là càr Daknông. Dờp cau pa lòt ling nam 2016, rlau 3 poh do, kuang bàng, cau ling Tiểu đoàn 301, Trung đoàn 994 di Gah đơng lam bồ ling klàng càr Daknông gam lơh ngan mut lơh broă pơlam tàp. Broă lơh do gam geh kuang bàng, cau ling Tiểu đoàn mut lơh jal mhar, jơh nùs mờ chờ hờp tàm nùs nhơm gờm chờ cồng nha pơrjum dờng Đảng mờ rơcang tus te\ khà gơnoar ala mat dà lơgar kơnă 14 mờ Mpồl duh broă ala mat làng bol ală kơnă, tơngai lơh broă bơh nam 2016 tus nam 2021 mờr tus:

Tàm bơta tơngai duh rơ ồ bơh nhai prang Tây Nguyên dê, ală kuang bàng, cau ling bơh Tiểu đoàn 301, Trung đoàn 994 di Gah đơng lam bồ ling klàng càr Daknông kung gam tryang trỳông ngan mờ jơnau bơto pơlam bơh broă lơh pơlam tàp cau ling pa dê. Jùt dà kơl hề tềng muh mat kò, cau ling pa Nguyễn Đăng Hùng, 19 sơnam, [òn tờm tàm ntum Quảng Tâm, kơnhoàl Tuy Đức, càr Daknông pà git: Nam 2015, Hùng jơh bơsram kai 3, mơya bi ờ pơr lòng mut ală hìu bơsram ờs mờng mờ cih sră dan lòt ling. Tơnơ\ 3 poh pơlam tàp, tơngai duh bal mờ càl bơh nhai prang dê neh lơh muh mat bi jù, mơya Hùng kung gam jơh nùs mờ ờ ngòt. Cau ling pa Nguyễn Đăng Hùng đơs: “ Bulah tàm do trồ tiah tơngai duh mờ ờ hềt mờng tàm anih pơlam tàp krà` ngan mơya đal git là cau ling bơh mpồl ling làng bol Việt Nam dê, là cau ling wa Hồ dê, den tàng oh lơh ngan pơlam tàp niam nàng lơh jơh niam ală kơnòl…”

Kờ` mut lơh niam kơnòl pơlam tàp, bơh bồ sơnam, Tiểu đoàn 301 neh lơh niam broă rơcang lài. Bơh pơlam tàp tơnguh jơnhua mờng chài lơh broă tus mờ kuang bàng pơlam tàp in tus rơcang lài phan bơna bè phan ngui bơsram, ròt anih pơlam tàp, blàng pơlam tàp. Ală sră cih jơnau bơto pơlam neh geh rơcang lài jat broă lơh pơlam tàp pa di mờ jơnau sồr bơh Gah đơng lam bồ ling klàng làng bol Việt Nam dê. Đại uý Trần Văn Đồng, kuang jat jơng atbồ Tiểu đoàn 301, Trung đoàn 994 pà git: “ Bol a` kung tơr gùm lơh jat jơnau sồr, jơnau đơng lam bơh kơnă hơđang dê, tàm hơ\ tơr gùm tàm 4 broă lơh là cribơyai, gùng dră bal, dong broă mờ kỹ thuật. Gàr tơl phan bơna, sră cih lài jơnau bơto pơlam, phan ngui bơsram, bè bồ sơnam kung neh tus bal dơ\ bơto pơlam bơh Gah đơng lam ling klàng càr bơyai lơh mờ Trung đoàn bơyai lơh bơto pơlam tus mờ cau lơh gơnoar atbồ Tiểu đoàn, trung đoàn, gàr niam nàng broă pơlam tàp cau ling pa in.”

Bal mờ kơnòl gàr tơl phan bơna, mai\ mok nàng drơng kơnòl pơlam tàp, broă dong kờl bơtàu tơnguh lơh sa kung geh Tiểu đoàn 301 sền gròi ngan. Jat mờ hơ\, ală khà bè bă ù, khà phan tam, phan ròng kung geh sền gròi nàng tơnguh tai phan sa ris tàm ală dơ\ sac au ling pa in. Tus tu\ do, mpồl neh rề ơnàng suơn tus mờr 8 sàu, khà biap tam geh pah nhai 3 tấn, mơkung ròng sur ai poac rlau 100 nơm. Đại uý Đặng Cao Cường, kuang jat jơng lơh broă gùng dră bal Tiểu đoàn 301, Trung đoàn 994 đơs: “ Kuang bàng đơng lam bồ mpồl ling neh lơh niam broă lơh rơcang lài bè phan bơna, anih ơm, broă sàu sa, ală anih nhơl `o\ kung bè pơrjum cau ling dê nàng lơh gơs anih pa cau ling in tu\ mut tàm mpồl ling mờ go\ iang nùs, đal git niam kơnòl.”

Ờ mìng tàm Tiểu đoàn 301, ală mpồl ling di Trung đoàn 994 kung gam lơh ngan mut lơh kơnòl pơlam tàp, rơcang lài tam lơh. Thượng tá Nguyễn Thanh Phương, atbồ Trung đoàn 994 pà git: jơnau đơs pơlam tàp là “ kuơ màng, ngan ngồn, kơ\ kơljap, sền gròi pơlam tàp ringbal mờ jrô ơnàng di mờ bơta geh ngan tam lơh”. Bè broă gàr jat jơnau kờ` pơlam tàp do, Thượng tá Nguyễn Thanh Phong pà git: “ Gơ wèt mờ kơnòl pơlam tàp nam 2016, mut lơh kơnòl jàu ling 1 dơ\, khà ling pa tus bal pơlam tàp gơguh uă, den tàng bơh sơn rờp pôs ling, anih pơlam tàp gam hat hal… Mờ ală broă lơh rơcang lài, bol a` neh bơsong tơl kal ke, bơtàu tơnguh ròt pôs ling, hìu ơm, ală broă lơh gàr niam tus mờ broă dờp cau ling pa, tus tu\ do, bol a` neh lơh jơh 100% kơnòl nàng rơcang lài kơnòl pơlam tàp nam 2016 geh lơh jơh.”

                                   Cau cih mờ yal tơngit K’ Duẩn.