VOV4.K’ho – Jat ồng Đỗ Hồ Nam, kuang atbồ mpồl lơh tiêu Việt Nam, khà priă tiêu tu\ do gam sơrlèt rlau mờ khà geh ngan. Broă bă ù tam tiêu tàm Tây Nguyên mờ uă tiah ndai tàm gùt lơgar gơguh mhar ir, sơ lèt rlau 2 dơ\ pơn drờm mờ rơndap broă tus nam 2020 gam lơh gơguh uă jơnau pơhìn gơmù khà priă bơta phan do. Bal mờ hơ\, broă tơnguh bă ù tam, tam uă ir lơh ù gơbàn klàr, tơnguh jơnau pơhìn gơbàn kòp tu sa aniai, lơh ngai sơlơ geh uă bă ù tam tiêu pal kơl sang tài kòp chơt mhar, kòp chơt lơỳai. Ồng Đỗ Hà Nam đơs là, pal chồl pràn jơnau yal tơngit mblàng yal, mờ jòi git tai ală bơta chi tam pa geh cồng nha lơh sa uă, nàng làng bol pleh gơbàn hoàc huơr tài đòm jat tam tiêu.

                                                                                          Cau mblàng K' Duẩn.