VOV4.K’ho- Di tơngkah 38 nam Ngai Cau pơgru Việt Nam (20/11), mho ngai 19/11, Mpồl kuang bàng bơh Thường trực Tỉnh ủy bơh Phó Bí thư Thường trực Tỉnh ủy, ồng Phạm Minh Tấn lơh kuang atbồ mpồl neh lòt còp, nting sap chờ gờm ală hìu bơsram tàm càr Dak Lak.

           Ala măt kuang bàng đơng lam hìu bơsram Đại học Tây Nguyên yal bè cồng nha broă bơto bơtê mờ bơsram

Mpồl neh lòt còp kuang bàng, cau pơgru, cau lơh broă Sở Giáo dục mờ Đào tạo, Hìu bơsram Chính trị càr, Phân viện Học viện Hành chính dà lơgar tiah Tây Nguyên, hìu bơsram Đại học Tây Nguyên.

Tàm ală anih tus còp, Phó Bí thư, ồng Phạm Minh Tấn neh cih dờp, jờng rơ ală hìu bơsram neh geh ua\ broă lơh ngan sơrlèt gan kal ke nàng sền gròi ai broă lơh bơ to bơtê bơh càr dê đơs is mờ tiah Tây Nguyên đơs bal.

Phó bí thư, Phạm Minh Tấn kơp kờ` tơl nă kuang bàng, cau pơgru, cau lơh broă bơh ală hìu bơsram dê tơnguh nùs nhơm tam klac bal, jơh nùs mờ broă lơh, pơn jat tai tam gơl pràn kơldang rlau tai broă atbồ, broă bơto bơtê mờ bơsram, wèt tus cồng nha mờ jơnau kờ`; gàr sùm mờ chồl pràn ală srơh tàm pơrlòng, bơt bơtàu hìu bơsram niam bơne\, niam chài, gơguh jak.

Cau mblàng K’Duẩn