VOV4.K’ho- Ngai 1/12, Tỉnh ủy Kon Tum bơyai lơh Pơrjum dơ\ 2 Ban Chấp hành Đảng bộ càr khoá XVI. Pơrjum sền swì, cribơyai mờ ai jơnau đơs bè cồng nha lơh jăt kơnòl broă bơtàu tơnguh lơh sa- mpồl bơtiàn bơh càr dê. Nam 2020, kờp jơh phan bơna mpồl bơtiàn bơh càr Kon Tum dê lơh geh rlau 16 rbô 100 tơmàn đong, gơguh 9,39% pơndrờm mờ nam 2019. Priă lơh geh kờp bal dùl nă cau gơguh bơh rlau 41 tơlak đong tus rlau 46 tơlak đong. Tă dia dà lơgar geh 3 rbô tơmàn đong. Tus lồi nam 2020 do, càr geh 28 xã geh tơl khà [òn lơgar pa.

Pơrjum dơ\ 2 Ban Chấp hành Đảng bộ càr Kon Tum khoá XVI

Cồng nha pà go\, nam 2020 jơh ală jơnau kờ` bơtàu tơnguh lơh sa- mpồl bơtiàn bơh càr dê ờ lơh geh jăt di broă rơndăp lơh neh ai tơlik. Bè gùng dà broă lơh bơtàu tơnguh lơh sa nam 2021, Tỉnh ủy Kon Tum sền gi\t pơn jăt tai rơndăp tăp sèng wơl gah lơh broă sa sươn sre gơ jăt bal mờ tơnguh uă bơta niam, gơguh tai priă jền; lơh pràn bơtàu tơnguh nhơl chờ; rơndăp tăp sèng wơl priă geh bơh tă dia dà lơgar dê jăt gùng dà tơrgùm jơh ală bơnah priă geh, lơh pràn bơtàu tơnguh lơh sa nàng lơh gơlik priă lơh geh pa.

Cau mblàng Lơ Mu K’Yến