VOV4.K’ho-Tàm nùs nhơm tơngkah 72 nam Kăc màng Nhai Phàm bơh làng bol lơgar Việt Nam dê mờ wèt tus 100 nam Kăc màng Nhai Jơ\t Nga pơnrơ ngan, tàm Matxcơva, lơgar Nga, neh geh lơh dơ\ tìp mat pah nam dơ\ 47 bơh ală cau ling yau lơgar Nga neh geh tu\ lòt tam lơh mờ lơh broă tàm lơgar Việt Nam tàm ală nam nhai tam lơh.

Dơ\ tìp mat nam do sơlơ đềt mềr, bềng nùs nhơm tam klac gi\t gơ\p lơh bơyô bal tu\ geh bơta tus bal bơh mpồl dê tàm hơ\ geh 80 nă cau ala mat tus bơh hìu bơnhă chính sách, cau geh màng mờ dà lơgar, cau ling yau lơgar Việt Nam dê lòt còp lơgar Nga:

Neh gơ gơs mờng quèng, pah nam di tàm ală ngai bồ nhai phàm kah yau, ală cau ling yau lơgar Nga neh geh tu\ “dùl nùs bal” mờ lơgar Việt Nam tàm ală nam nhai tam lơh dờng ngan, bơtòm tơrgùm să tai ơm lềr wềl bal kah wơl dùl tu\ tơngai pơnu să khin cha jak chài ngan. Geh tìp wơl tàm ală ngai do sơlơ lơh khi in gơlơh pơ`ìơ să rlau tai bè ală tă pơgồp bơh he dê ai kăc mạng Việt Nam in.

Ồng Nicolai Nicolaevich Kolesnik- Kuang atbồ Mpồl cau ling yau lơgar Nga neh tam lơh tàm lơgar Việt Nam, pà gi\t: do là dơ\ tìp mat dơ\ 47. Mờ dơ\ do geh bơta tus bal bơh mpồl cau ala mat ală hìu bơnhă chính sách, mờ hìu bơnhă geh màng mờ dà lơgar bơh lơgar Việt Nam dê.

Digơlan tàng bè hơ\ mờ uă cau neh tus gờ` rlau tu\ jiơ sồr tus dùl jiơ tơn nàng geh tìp mat boh bơr, bal mờ ală jơnau ku\p tê rềp mềl, ală jơnau tam ùt chờ hờp ngan…Ală jơnau đơs bè “dùl nùs bal” mờ “gi\t ưn ngài”, “tam klac gi\t gơ\p lơh bơyô bal”…geh đơs wih đơs wơl.

Dơ\ tìp mat

Ồng Victor Ivanovich Phiemưpop, là dùl nă cau ling yau lơgar Nga ngoh rơngăc ngan geh jơnau đơs tơngo\ nùs nhơm gơ wèt tus mờ ală cau ling yau lơgar Việt Nam, bè do:

“Bol a` jơh nùs chờ gờm wa\ rò ală cau ling yau lơgar Việt Nam tus mờ lơgar Nga tàm ngai do. Bol a` là ală cau ling yau lơgar Nga lài do neh geh ală nam nhai lòt tam lơh tàm ală tu\ jiơ tam lơh dờng, cui rơcai ngan mờ kal ke ngan rlau jơh tàm rài tam lơh tàm lơgar Việt Nam.

Ngai do, bol a` dan jơh nùs ưn ngài ală bơyô neh sùm sền gàr bơta gi\t gơ\p lơh broă bal ờs mờng bơh yau mờ bol a` mờ tus mờ bol a`. Bol a` sùm gơlơh sền go\ là, ală cau ling, ală cau ling yau lơgar Việt Nam dê sùm lời ai bol a` in ală nùs nhơm gi\t ưn ngài, kah rơngal gơ wèt tus mờ cau ling yau, cau ling lơgar Nga neh dong kờl ală bơyô tàm ală tu\ jiơ kal ke.

Bol a`, ală cau ling yau lơgar Nga kung sùm gi\t ưn ngài, kah rơngal ală cau ling, cau ling yau lơgar Việt Nam neh dong kờl bol a` tàm ală nam nhai tam lơh, dong bol a` lòt sền phàu crong, phan tam lơh, cèng wơl uă bơta mờng chài kuơmàng tàm ală broă lơh bơ\t bơtàu mờ sền gàr dà lơgar”.

Cau ling yau lơgar Nga do kung pà gi\t, ồng neh lòt tus lơgar Việt Nam tu\ tam lơh tơn jơh rlau 10 nam, mat tờm sền go\ tơn cau lơh broă sa lơgar Việt Nam kờ` lơh broă, bơ\t bơtàu dà lơgar bơh gơnru tơrluh tơrlờm lề mờ lơh geh cồng nha bè lơi. Den tàng bè hơ\, ồng pin là, tàm tơngai ờ jo\ tai, lơgar Việt Nam geh gơ gơs là dùl tàm ală lơgar bơtàu tơnguh ngan rlau jơh tàm dunia.

Ala mat ai mpồl cau ala mat tus bơh lơgar Việt Nam in, ồng Lê Xuân Niêm- Kuang atbồ Trung tâm bơto bơtê bơhiàn mờ jơnau kah yau lơgar Việt Nam dê pà gi\t, do là dơ\ bàr Trung tâm do bơyai lơh dơ\ lòt bè do. Ồng geh jơnau đơs tơngo\ nùs nhơm gi\t ưn ngài gơ wèt tus mờ Đại sứ quán lơgar Việt Nam tàm lơgar Nga, Mpồl cau ling yau lơgar Nga neh geh nam nhai lòt tam lơh tàm lơgar Việt Nam mờ Mpồl cau ling yau lơgar Việt Nam tàm lơgar Nga nàng dong kờl nàng mpồl lơh geh dơ\ lòt còp bềng bơta kuơ:

“Nàng lơh geh ală dơ\ tam lơh pha lin crih crài ngan tàm rài tam lơh mờ lơh geh cồng nha jak chài ngan tàm tu\ tơngai bơ\t bơtàu dà lơgar, bol he ờ gơtùi hi\u geh mờ jơh nùs gi\t ưn ngài ngan dà lơgar Liên Xô lài do mờ lơgar Nga tu\ do neh jơh nùs dong kờl lơgar Việt Nam bơh ală tu\ tơngai kăc mạng.

Hơ\ là jơnau kờ` bơh dơ\ lòt còp dê mờ tơl nă cau tàm mpồl bol a` bềng jơnau kơlôi sơnơng mờ kơ\p kờ` geh pơgồp bơnah lơh kơ\ kơl jăp, sơlơ lơh niam rlau tai nùs nhơm gi\t gơ\p lơh bơyô bal dờng màng đah Việt Nam mờ Nga sùm sùm niam bơne\ mờ sùm sùm kơ\ kơl jăp”.

Dơ\ đơs crih tam ya

Mpồl cau ala mat logar Việt Nam neh pà ală cau ling yau lơgar Nga in ală bơnah phan pà mờ ală gai lòng Bác Hồ dê. Ală jơnau đơs crih lơgar Nga dê tiơng pơnrơ ngan, bè “Rài pơnu să duh hồl”, “Jơnau tam ya tàm sơnggơr”, “Bàr gah dà dờng”, ală jơnau đơs crih lơgar Việt Nam dê, bè “19 Nhai Phàm”, “Hà Nội- bơta pin dờn mờ Gơn kơnờm” bơh ală cau chài đơs crih tam ya lơgar Việt Nam dê đơs neh lơh ai dơ\ tìp mat in sơlơ đềt mềr, bềng bơta kờ` gơboh mờ duh hồl.

Bơh ală broă lơh bè do, ală cau ling yau lơgar Nga neh geh tu\ lòt tam lơh tàm lơgar Việt Nam, ală cau ling yau lơgar Việt Nam neh mờ gam pơn jat tai sền gàr mờ yal tơngi\t nùs nhơm tam klac gi\t gơ\p lơh bơyô bal dờng màng đah bàr jơi bơtiàn Nga mờ Việt Nam ai ală rơnàng cau tu\ do mờ tơnơ\ do in!

Cau cih mờ yal tơngi\t- Lơ Mu K’ Yến