VOV4.K’ho- Mho ngai òr (4/6), Cribơyai kuang bàng dờng màng bè Sơlơ tơnguh bơta tàm dong kờl bal đah Bơta sền sơnơng Mpồl bơtìan ASEAN nam 2025 mờ broă lơh pơrjum bơh Liên hợp quốc dê bè bơtàu tơnguh  kơ\ kơl jap nam 2030 dơ\ 4 neh geh bơyai lơh jat broă lơh pờ tơn tàm internet.

Thứ trưởng Ngoại giao ồng Nguyễn Quốc Dũng, Kuang atbồ SOM ASEAN Việt Nam neh tus bal Cribơyai mờ gơnoar là lơgar Chủ tịch ASEAN nam 2020.  Jơnau đơs tờm tàm dơ\ cribơyai, Thứ trưởng đơs sùm mờ tơngume ASEAN nam 2020 “ Tàm pơgồp bal mờ rcang gơdờp bal”, Việt Nam neh rcang mờ sơr băc mhar sơlơ tơnguh ală broă lơh ngan bal bơh ASEAN dê rcang sơn dră mờ ală bơta gơ rềng bơh kòp dờng Covid-19.

Thứ trưởng đơs nền, tàm gơnoar là Chủ tịch ASEAN nam 2020 mờ Uỷ viên  ờ lơh broă sùm bơh Hội đồng Bảo an Liên hợp quốc dê, Việt Nam geh pơn jat tai sơlơ tơnguh lơh broă bal bơtàu tơnguh kơ\ kơl jap di pal mờ jơnau kờ` bơtàu tơnguh dùl ASEAN tàm pơgồp bal mờ rcang lơh gơ kờ` bal, wèt tus lơh geh ngan ngồn Bơta sền sơnơng ASEAN nam 2025.

Cau mblàng K’ Hạnh