VOV4.K’ho- Mho ngai 17/12, bal mờ gơnoar broă Chủ tịch ASEAN nam 2020, Bộ Lao động, Thương binh mờ Xã hội pơgồp bal mờ Mpồl duh broă công đoàn drơng broă ală lơgar ASEAN bơyai lơh Tìp măt tơm bơh bơr mpồl bơtiàn ASEAN dơ\ 11 mờ tơngume “Bơ\t bơtàu wơl dùl ASEAN tam klăc bal mờ rơcăng lài gơrờm bal tơnơ\ tơngai gơbàn kòp dờng Covid-19”.

Tus bal dơ\ tìp măt tơm bơh bơr geh ală mpồl lơh broă tờm bơh Pơrjum kuang bàng kấp dờng màng ASEAN bè Lơh broă, Mpồl cau gơnoar cih ASEAN, ala măt ală mpồl bơh cau lơh broă mờ cau ngui lơh broă ASEAN dê. Tìp măt tơm bơh bơr mpồl bơtiàn pe gah pah nam đah ală mpồl lơh broă mpồl bơtiàn là phan ngui kuơ màng ngan nàng bơ\t bơtàu mờ lơh jăt ală gùng dà broă lơh.

Mờ tơngume “Bơ\t bơtàu wơl dùl ASEAN tam klăc bal mờ rơcang lài gơrờm bal tơnơ\ tơngai gơbàn kòp dờng Covid-19”, ală cau ala măt tus bal Tìp măt tơm bơh bơr neh tơrgùm cribơyai 2 tơngume tờm, tàm hơ\ geh: Kòp Covid-19 mờ ală bơta gơrềng tus dunia broă lơh; Bơ\t bơtàu wơl ASEAN niam rlau. Jăt tàm bơnàng jă cribơyai, ală jơnau sồr kơnhoàl ù tiah bơh Tìp măt tơm bơh bơr dê neh geh ai tơlik nàng kờ` yal tơngi\t tai ală bơta bơto pơlam ai ală dà lơgar tàm mpồl ASEAN in tàm broă rơcăng lài sơndră wơl mờ ală bơta gơrềng bơh kòp Covid-19 halà khăt dùl bơta kòp dờng lơi ndai digơlan geh tàm tơngai tus.

Cau mblàng Lơ Mu K’Yến