VOV4.K’ho- Di tơngkah 70 nam dơ\ sơn rờp Chủ tịch Hồ Chí Minh sền jơnau nri\ nting săp sa tềp tàm anih pờ tơlik jơnau đơs Việt Nam, mang ngai 17/1, tàm Trung tâm pờ tơlik jơnau đơs dà lơgar, hìu sồ 58, gùng Quán Sứ, [òn dờng Hà Nội, Anih jơnau đơs Việt Nam bơyai lơh dơ\ tìp mat đơs crih tam ya mờ tơngume “Jơnau sơn tơm să ù tiah dà lơgar dê”.

Kuang atbồ dờng Anih jơnau đơs Việt Nam là ồng Nguyễn Thế Kỷ dờp phan pà bơh Chủ tịch lơgar Trần Đại Quang dê lời ai Anih jơnau đơs Việt Nam in là pang rùp Bác Hồ

Đơs tàm dơ\ lơh do, Chủ tịch lơgar Trần Đại Quang đơs tờm, tàm jàu sơnam là tu\ jiơ dờng màng ngan rlau jơh dà lơgar dê, bơl tơl hìu, tơl nă cau dê. Iat wơl ală jơnau nri\ nting săp bơh Bác Hồ dê, bol he sơlơ gơlơh ngoh rơngac kah wơl bè dùl tu\ tơngai pơnrơ ngan, khin cha jak chài ngan mờ jơi bơtiàn he dê neh lòt gan, wèt tus dùl nam pa Đinh Dậu 2017 bal mờ gi\t nđờ jơnau kơ\p kờn, jơnau rơcang lài niam bơne\ ngan. Sơlơ pơ`ìơ să mờ bơhiàn khin cha jak chài, geh nùs nhơm kờn gơboh kòn bơnus bơh jơi bơtìan he dê, bol he sơlơ lơh pràn tơl làm, dùl ròt bal broă lơh tam gơl pa dà lơgar, bơ\t bơtàu geh cồng nha, sền gàr kơ\ kơl jăp dà lơgar Việt Nam xã hội chủ nghĩa.

Cau cih mờ yal tơng^t: Lơ Mu K’ Yến