VOV4.K’ho- Tơngkah kir sơnrai 90 nam Ngai bơhiàn broă lơh lam sồr làng bol bơh Đảng dê (15/10), ồng Trần Quốc Vượng, Ủy viên Bộ Chính trị, Thường trực Ban Bí thư neh tus bal dơ\ tìp măt, jờng rơ rlau 200 nă cau pơnrơ “Chài lam sồr làng bol” gùt lơgar bơh Mpồl lam sồr làng bol dà lơgar dê bơyai lơh. Tus tu\ do, gùt lơgar neh jờng rơ geh rlau 900 broă lơh, pơnrơ “Chài lam sồr làng bol” tàm ală gah broă bơh rài kis mpồl bơtiàn dê.

Tàm dơ\ bơyai lơh, ồng Trần Quốc Vượng đơs sùm, broă lơh lam sồr làng bol là dùl bơnah kuơmàng tàm broă lơh bơ\t bơtàu Đảng mờ ală anih lơh broă chính trị. Den tàng bè hơ\, pal tơnguh uă gơnoar broă, bơta gi\t wa\, kơnòl bơh ală kấp ủy Đảng mờ jơh ală anih lơh broă chính trị dê tàm broă lơh lam sồr làng bol. Sùm tam gơl pa broă lơh lam sồr làng bol jăt gùng dà geh kuơ ngan ngồn, pơgồp bơnah bơtàu tơnguh rài kis phan bơna mờ nùs nhơm làng bol dê geh rài kis niam bơne\, chờ hờp rlau.

Cau mblàng Lơ Mu K’Yến