VOV4.K’ho - Đơs wơl bè broa\ lơh bơh bơtàu Đảng tàm 5 nam do,  rơndap jơnau yal tơnggit gùng dra\ bal tàm dơ\ pơrjum Đảng gùt lơgar dơ\ XII neh geh đơs tờm ala\ cồng nha kuơ màng. Đảng he neh gar kơljap ala\ broa\ lơh gùng dra\ bal,  broa\ lơh kac màng mờ jak chài, lơh kràn ngan gùng dà broa\ lơh,  broa\ lơh ngap lơngai is jơi bơtìan mờ chủ nghĩa xã hội, lơh kràn ngan gùng dà tam gơl pa, di pal la mpồl atbồ bơh Dà lơgar mờ mpồl bơtìan. Lơh geh cồng nha do la bơta tờm ngan nàng Đảng  he geh gùng broa\ lơh bơt bơtàu Đảng la tờm ngan. Bulah bè hơ\, cau kuang, cau geh Đảng mờ làng bol geh đơs, nàng  bơt bơtàu Đảng sàng goh,  geh lơh tơl na\ cau geh  Đảng pal la ala\ cau lam lài tơl  ala\ broa\ kờ` tơl cau ndai đòm jat bal.

             Phó giáo sư, tiến sỹ Nguyễn Quốc Bảo cau pơgru bơto dờng màng Học viện Báo chí  mờ Tuyên truyền geh đơs la: Mo bơh tu\ geh crơng gơs, đảng sền gròi ngan tus broa\ lơh bơt bơtàu Đảng, ngan la tàm ala\ nam tam gơl pa, bơta bơt bơtàu Đảng geh slơ sền kuơ. Jat Phó giáo sư,  Tiến sỹ Nguyễn Quốc Bảo, tàm rơndap jơnau yal tơnggit gùng drâ\ bal bơh  pơrjum dơ\ XII, ồng Nguyễn Phú Trọng kuang atbồ đơng lam Đảng dà lơgar ờ mìng geh đơs tờm bơt bơtàu Đảng la tờm ngan, chồl guh bồ tơngoh jak bơh Đảng mờ ơnà pràn tàm Đảng tàm rài tam gơl pa. Tàm hơ\ geh sền kuơ ngan la pal bơt bơtàu, bơsram tàp bơh mpồl cau  bơh Đảng jat broa\ lơh bơh Bác Hồ, hơ\ la “Đảng he la  Đảng at gơnoar, tơl na\ cau geh Đảng la cau atbồ,  mờ la cau lơh di\ làng bol dê”. Đơs niam ala\ gùng dà broa\ lơh bơh bơt bơtàu Đảng, Phó giáo sư, Tiến sĩ Nguyễn Quốc Bảo geh đơs la, kờ` pal lơh niam rlau tai broa\ lòt sền, sền gròi ngan bơh Đảng, broa\ lơh sền,  lơh glài bơh Đảng nàng geh bơsong jơh ala\  cau ờ niam,  lơh geh bơta pin dờ` ngan tàm cau kuang, cau geh Đảng:“Bulah bol he gam lơh kràn ngan bè hơ\,  lơh geh ua\ ngan cồng nha mơya broa\ sa kuề sa kùa gam la bơta gơbàn aniai ngan mờ gam geh gơbàn ua\ ngan kòl yan kal ke. Kờ` bal mờ jơnau đơs bơh Dà lơgar tu\ geh đơs wơl bơta ntàu tam dra\ mờ sa kuề sa kùa do, neh lơh niam, lơh kràn ngan den tàm nam tus pal lơh kràn ngan rlau tai mờ nàng lơh geh bơta do den pal geh bơta lơh bal dơle\ bơh ròt gùng dra\ bal, ngan  la bơnga\ bơh làng bol. Mờ kung geh lơh pràn broa\ lơh bơt bơtàu  Đảng kờ` tơl cau kuang, cau geh Đảng geh git wa\ broa\ lơh he dê,  kơnòl broa\ he dê, ngan la  bơtàu tơngguh ơnà jak bơh he dê tàm rài pa”.

            Ồng Nguyễn Túc kuang geh jơng tàm mpồl kuang lam bồ, anih duh broa\ gah tề lam gùng dra\ bal dà lơgar Việt Nam den geh đơs: Bơh tu\ geh kơrnuat dà lơgar 4, bơta gơbàn  ờ niam, gơ mù ơnà tàm cau geh Đảng geh gơ ơm wơl, mơya ờ hềt lơh geh  jơh bơh sơnrờp, ala\ cau geh kơnòl tàm 8  broa\ lơh tis dờng ngan pa do neh gơ bàn nrơt ndơl mờ ờ khin geh gơbàn tìs tai. Bơh do kung geh đơs tus ala\ oh mi ndai tàm đảng  he neh đơs den pal lơh, mơya broa\ lơh bơh Đảng geh jat broa\ lơh bơto bơtê,  ai bơh bơto bơtê ờ dờp git den  pal geh ngui broa\ lơh glài kràn rlau bè Bác Hồ đơs “Đơs tis di,  dong kờl, kờ` bal nàng cau geh tìs go\ loh tìs mờ geh lơh niam wơl, mơya tus tu\ ờ go\ bơta tìs mờ pơnjat tai geh lơh tìs den Đảng pal lơh  glaà kràn ngan”. Ồng Nguyễn Túc đơs tờm: Mờ broa\ lơh bè do,  ngan la mut lơh jat kơrnuat dà lơgar 4, geh ai go\ bơta bơto bơtê,  mờ geh ai go\ broa\ lơh nàng kah rgal, mờ nàng geh broa\ bơsong lơh,  dilah sùm geh lơh tìs den pal geh lơh glài kràn. Đơs wơl jơnau đơs bơh Bác Hồ di  tơng kah 30 nam crơng gơs Đảng, Bác Hồ đơs “Đảng he la geh ơnà jak, la gơguh jak, la krơi is, trơ gùm dùl, ngap lơngai mờ hờm ram” ồng Nguyễn Túc kơp kờ` cau geh Đảng, ngan la ala\ cau at gơnoar jơnhua tàm  kơna\ dà lơgar, tu\ bơsram Bác Hồ pal bơsram bơta hơ\, pleh ala\ bơta gơbàn tìs, lơh tơmù bơta pin dờ` bơh làng bol geh lơh aniai tus bơnga\ bơh Đảng. Ồng Nguyễn Túc, đơs:“Dơ\ do, a` kờ` ngan  mờ broa\ ai bơt bơtàu Đảng  sàng goh, kơljap la dùl tàm ala\ bơta lơh gơs  sơnđan mơya nàng  geh tam pà geh bơta do  den hơ\ sồng geh lơh geh wơl bơta pin dờ` tàm dùl bơnah làng bol, Đảng  he kờ` sàng goh kơljap den tơl  na\ cau geh Đảng pal la ala\ cau lam lài tơl ala\ broa\ lơh kờ` tơl cau geh lơh jat bal. Jơnau tu\ do,  krơi mờ ua\ sơnơng sơnđan la lam lài lơh di ngan den ờ go\ di lơh is ờ, cau kuang dờng màng la cau  pal lam lài”.

            Ring bal jơnhua ngan mờ ala\ tơnggu me tờm ngan tàm ala\ sra\ nggal jàu àm dơ\ pơrjum 12 bơh đảng, ồng Đinh Xuân Thảo at bồ gah sền sơnơng lơh gơs adat  boh lam di anihd uh broa\ sùm Gơnoar ala mat dà lơgar, geh đơs la: 6 broa\ lơh mờ Đảng tơlik lơh bè hơ\ la di ngan, di pal mờ kờ` ngan tàm bơta bè tu\ do nàng lơh geh bơt bơtàu Đảng  sàng goh mờ sùm bơtàu tơngguh. Jat ồng Đinh Xuân Thảo, bơt bơtàu đảng la dùl broa\ lơh sùm bơh ala\ dơ\ pơrjum drờm geh ai tơlik, bulah bè hơ\,  dơ\ pơrjum Đảng 12 do geh ơn lam bồ lài. Den tàng,  dơ\ pơrjum 12 do kờ` pơnjat tai chồl guh ala\ cồng nha lơh geh tàm mut ngui  kơrnuat  dà lơgar dơ\ 4. Tàm hơ\ den đảng pal lơh ngan bơsong ala\ bơta gam ờ suk mờ mpồl bơtìan sền gròi ngan:“Hơ\ la bơta gơ drờm bal, lơh tờm,  ala\  bơta sa kuề sa kùa, bơta làng bol ờ suk ngan bơh jo\ do kờ` pal geh bơsong. Mờ broa\ lơh geh ai tơlik bè hơ\,  mờ nus nhơm mờ geh gùng la pal rwah ala\ cau jak chài ngan, jak ngan tàm mpồl đơng lam atbồ Đảng  tơngai lơh broa\ pa la cau ờ sa kuề sa kùa, la ala\ cau ờ  sơmờm gùng dra\ bal, mpồl bơtìan. Dilah lơh geh bơta do den geh lơh niam geh bơta pin dờ` bơh làng bol tus gùt mpồl bơtìan”.

            Ua\ cau geh Đảng mờ làng bol kung geh đơs la, do la dơ\ sơnrờp Đảng geh ai bơta bơt bơtàu Đảng pràn, kơljap bè ơnà sa\ kung bal mờ bơt bơtàu Đảng pràn kơljap bè nùs nhơm gùng dra\ bal mờ mpồl  bơyai lơh. Ala\ gùng dà broa\ lơh geh Đảng ai tơlik tàm dơ\ pơrjum dơ\ do la bơr nàng ja\ kơljap ngan nàng bơt bơtàu Đảng slơ ngai slơ pràn kơljap.

                     Cau cih mờ yal tơnggit K’ Brọp