VOV4.K’ho – Mho òr 21/07, tàm hìu duh broă Gơnoar atbồ lơgar dê, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar neh tus bal dơ\ tơlik mat Anih duh broă Dà lơgar APEC 2017. Ồng Nguyễn Tấn Dũng đơs tờm: APEC là mpồl tam klac lơh broă bal bơh ală kuang atbồ, cau đơng lam bồ dà lơgar bơh 20 lơgar tàm tiah châu Á- Thái Bình Dương dê, geh tus 40% khà kờp làng bol, 57% kờp jơh ală bơnah broă lơh sa gùt dunia. Broă drơng lơh Nam APEC 2017 là broă lơh bơtàu tơnguh pa tàm ală broă lơh mu\t gơrờm bal mờ dunia jơh nùs, rcang lài, mờ tơnguh bơngă lơh broă mờ lơgar ndai uă gah bơh lơgar he dê, pơgồp bơnah chul chồl bơtàu tơnguh lơh sa- mpồl bơtìan mờ yal tơngi\t rùp hin dà lơgar. Do kung là tu\ tơngai niam nàng sơlơ tơnguh tai bơta gi\t gơ\p 2 gah bơh Việt Nam dê mờ ală lơgar lơh broă bal tàm mpồl APEC, tàm hơ\ geh uă lơgar lơh broă bal dờng màng, tơl làm mờ ală lơgar lơh broă bal tàm Kơrnoat kă bro khat gơboh (FTA). Broă crơng gơs Anih duh broă Dà lơgar APEC 2017 kờ` đơng pơlam bal niam, nàng ală gah sơnah lơh broă dà lơgar mờ ală càr, [òn dờng rcang niam ngan rlau jơh Nam APEC 2017.

Cau mblàng Lơ Mu K’ Yến