VOV4.K’ho - Ngai òr (05/7), tàm hìu chài rơgơi ơruh pơnu kơnòm pa tào càr, mpồl ơruh pơnu càr Dak Lak neh bơyai lơh tơn jơh broă lơh “Pơgồp bơta dong kờl kàl pơlòng” nam 2015. Tơn jơh broă lơh, mpồl ơruh pơnu lơh broă nùs nhơm is neh pơlam tus rơlao 15 rơbô nă kơnòm bơsram bal mờ cau tàm hìu nhă kơnòm bơsram bè anih pơlòng, 500 hìu ơm ờ sa priă, 10 rơbô hìu ơm khà priă ờ kas, ai 6 rơbô pò phan sa ờ sa priă, 11 rơbô dơ\ sa khà priă ờ kas; dong kờl gah lơh sơnơm 117 dơ\ mờ 1 rơbô 32 dơ\ đì rơndeh ờ sa priă tàm [òn dờng Buôn Ma Thuột; bơyai lơh geh 32 “Dơ\ sền gròi-Pơgồp bơta dong kờl kàl pơlòng”… Bơdìh hơ\ tai, mpồl đơng lam broă lơh neh lam sồr tă priă dong kờl ờ sa priă hìu ơm, ală dơ\ sa, ai mpồl măy rơndeh nùs nhơm is jun rò 5 nă kơnòm bơsram geh rài kis kal ke in…

Cau mblàng Ndong Brawl