VOV4.K’ho – Drim do (12/12) tàm Hà Nội, Bộ Nông nghiệp mờ Phát triển nông thôn bơyai lơh Pơrjum tơn jơh Broă lơh sền gàr mờ Bơtàu tơnguh bơta kuơ bơh phan ròng tàm dà tus nam 2020 mờ Rơndap ù tiah ală tiah sền gàr dà lềng Việt Nam tus nam 2020 jat Quyết định bơh Thủ tướng Chính phủ dê.

Tàm ală nam do, gah ròng phan tàm dà bơtàu tơnguh neh lơh geh ua\ phan, phan bơna tăc mờ lơgar ndai geh pria\ lơh geh ua\. Bơta bơtàu tơnguh bơh gah ròng phan tàm dà neh pơgồp bơnah kuơ màng tàm broă tơn jơh jơ gloh tơr mù r[ah, lơh niam rài kis lơh broă sa ai mpồl bơtìan cau lơh ka in, lơh niam broă lơh gàr tơl niam phan ngui sa, sền gàr gơ noar tờm bơh dà lơgar dê.

Khà kờp tơr gùm tus tu\ do pà go\, dà lềng Việt Nam ơm tàm tiah geh li la sinh học ua\ ngan, geh ơn tàm khà dơ\ 16 tàm ală lơgar geh li la sinh học ua\ ngan rlau jơh tàm dunia mờ pơgap rlau 11 rơbô bơta sinh vật neh g^t go\. Lila sinh học do neh lơh geh bơta li la bè phan niam tàm dà geh is, sinh thái mờ phan kuơ tàm dà, geh gơ noar broă kuơ màng ngan ai broă bơtàu tơnguh lơh sa dà lềng đơs  bal mờ lơh sa phan tàm dà đơs is.

Cau mblàng K’Hạnh