VOV4.K’ho – Tơnơ\ mờr 3 ngai lơh broă, drim òr 09/03, bơh bơta đơng lam bơh ồng Nguyễn Sinh Hùng kuang atbồ Gơnoar ala mat dà lơgar dê, Anih duh broă sùm Gơnoar ala mat dà lơgar tơn jơh pơrjum dơ\ 46. Lài hơ\, tă pơgồp jơnau đơs bè rơndăp cih jơnau yal broă lơh tàm tơngai lơh broă kơnă XIII bơh Gơnoar ala mat dà lơgar dê, Anih duh broă sùm Gơnoar ala mat dà lơgar dê, ală kuang bàng đơs là, tơngai lơh broă lài, Gơnoar ala mat dà lơgar neh geh ală bơta tam gơl uă ngan tàm broă lơh sơnoa boh lam, lơh adat boh lam, sền gròi mờ lơh nền ală bơta kuơmàng bơh dà lơgar dê, pơgồp bơnah ai dà lơgar sơrlèt gan kal ke, pơn jat tai bơtàu tơnguh. Kung tàm tơngai lơh broă do, dơ\ sơn rờp Gơnoar ala mat dà lơgar ala mat làng bol gùt lơgar mu\t lơh gơnoar sền gròi jơnhoa ngan hơđang rlau jơh dà lơgar bơh Gơnoar ala mat dà lơgar dê sền sơ wì pin dờn gơ wèt tus mờ ală gơnoar broă đơng lam dờng màng tàm mpồl kuang bàng dà lơgar. Broă lơh nền ală bơta kuơmàng bơh dà lơgar dê, broă rơndăp lơh bơtàu tơnguh lơh sa- mpồl bơtiàn, kes priă dà lơgar mờ ală broă lơh, rơndăp broă lơh kuơmàng dà lơgar dê…ngai sơlơ geh lơh tam gơl niam, mờ geh ngan ngồn rlau. Ồng Nguyễn Sin Hùng đơs tờm, ală cồng nha lơh geh tàm tơngai lơh broă Gơnoar ala mat dà lơgar kơnă XIII, lài jơh là tài bơh Gơnoar ala mat dà lơgar neh ngai sơlơ lơh tờm, rềp mờ làng bol mờ geh làng bol ring dùl nùs bal mờ kờn bal.  

Cau cih mờ yal tơngi\t- Lơ Mu K’ Yến