VOV4.K’ho - Drim do (27/6), ală kơnòm bơsram pơrlòng jơnau tơrgùm bal Khoa học xã hội (tàm hơ\ geh ală môn pơrlòng là Lịch sử, Địa lý, Giáo dục công dân).

Do là jơnau pơrlòng du\t ndơl bơh dơ\ pơrlòng jơh bơsram cấp 3 dà lơgar nam 2019. Geh rơlao 561 rơbô nă kơnòm bơsram dan cih măt pơrlòng jơnau Khoa học xã hội mờ ală môn pơrlòng jăt bơnah.

Tơn jơh ngai pơrlòng dơ\ 2, Bộ Giáo dục mờ Đào tạo đơs, ală anih pơrlòng tàm gùt lơgar bơyai lơh pơrlòng niam ờ do ờ dă, nền nòn mờ di kơrnoăt.

Tàm ngai pơrlòng ngai òr (26/6), gùt lơgar geh 18 nă kơnòm bơsram tìs mờ kơrnoăt pơrlòng gơtìp ờ ai pơrlòng.

Mpồl đơng lam pơrlòng jơh bơsram cấp 3 dà lơgar neh sồr jơh ală anih pơrlòng tàm gùt lơgar pơn jăt tai lơh jăt nền nòn kơrnoăt pơrlòng, tàm ală broă sền pơrlòng, sền gròi mờ broă ai khà pơrlòng.

Cau mblàng Ndong Brawl