VOV4.K’ho – Drim òr, 15/12, tàm Hà Nội, Bộ Lao động – Thương binh mờ xã hội pơgồp bal mờ Liên hợp quốc tàm lơgar Việt Nam bơyai lơh pơrjum tơn jơh nhai lơh broă tài ringbal cau klau cau ùr mờ rơcang sơndră tam lơh tam pờng cau klau cau ùr nam 2016. Jat jơnau yal ală broă lơh tàm nhai lơh broă geh mut lơh ringbal mờ geh cồng nha, lơh gơs bơta gơ rềng niam bè mblàng yal. Mơya kờ` lơh geh jơnau kờ` tam gơl git wă, broă lơh bơh tơl nă cau dê bè ringbal cau klau cau ùr mờ tơn jơh bơta lơh pờng tus mờ cau ùr, kơnòm ùr, pal pơnjat tai lơh ngan rlau mờ geh bơta hơ pơrgon bơcri priă jền kung bè bồ tơngoh jak ai broă do in. Ala mat Liên hợp quốc tàm lơgar Việt Nam đơs là, pal pơnjat tai sơlơ tơnguh kơrnuat boh lam, broă tơnguh gơnoar cau ùr mờ kơnòm ùr dê, mut lơh jat ală jơnau cih bơh kơrnuat boh lam sền gàr cau ùr, kơnòm ùr, mơkung sơlơ tơnguh ală broă lơh rơcang sơndră tơl làm wèt tus tơn jơh lơh pờng tus mờ cau ùr mờ kơnòm ùr.

            Cau cih mờ yal tơnggit K’Duẩn