VOV4.K’ho - Mut lơh li la broă lơh tơrgùm bal gùt mpồl bơtiàn, sơlơ tơnguh bơta pràn tam klac dờng gùt jơi bơtiàn tàm tơngai pa, nàng bơtàu tơnguh lơh sa mpồl bơtiàn, bơt bơtàu mờ sền gàr dà lơgar. Do là kơ nòl kuơ màng, geh lơh sùm bơh gah tề lam gùng dră bal dà lơgar Việt Nam dê.” Hơ\ là jơnau đơs tờm bơh ồng Nguyễn Thiện Nhân kuang atbồ anih duh broă gah tề lam gùng dră bal dà lơgar Việt Nam tàm dơ\ tơn jơh pơrjum anih duh broă gah tề lam gùng dră bal dà lơgar Việt Nam dơ\ 2, kơnă 8 geh bơyai lơh drim òr 25/01. Tàm dơ\ pơrjum do, anih duh broă gah tề lam gùng dră bal dà lơgar Việt Nam neh mut lơh mùl màl 5 broă lơh geh pơrjum gah tề lam gùng dră bal dà lơgar Việt Nam dơ\ 8 ai tơlik mờ mut lơh bơh ală nhai bồ nam 2015. Bơh hơ\, pơ gồp bơnah brồ guh bơta pràn mpồl tam klac dờng gùt jơi bơtiàn, mut lơh geh cồng nha ală khà lơh sa mpồl bơtiàn, sền gàr ngap lơngai, sền gàr dà lơgar mờ cribơyai mờ lơgar ndai bơh dà lơgar dê. Ồng Nguyễn Thiện Nhân đơs la, gah tề lam gùng dră bal dà lơgar ală kơnă mờ ală mpồl geh jơng pal tus bal broă lơh rơcang lài pơrjum Đảng ală kơnă, tă pơ gồp jơnau đơs mờ tơrgùm jơnau đơs bơh ală rơnàng làng bol dê tàm sră rơndap cih sră nggal pơrjum, hơ\ là ală jơnau đơs tă pơ gồp jak chài ngan bơh gùt Đảng, gùt làng bol, drơng jơnau kờ` tam gơl pa ka] màng.