VOV4.K’ho – Tơnơ\ 2 ngai lơh broă, mho òr 2/8, tàm [òn dờng Đà Nẵng, pơrjum Bộ trưởng tam klac lơh broă mờ pơrjum kuang bàng dờng màng bè cau lơh broă 5 lơgar Campuchia, Lào, Myanmar, Thái Lan mờ Việt Nam bè “Chul chồl bơtàu tơnguh mpồl cau lơh broă mờ broă lơh kơ\ kơljap ai cau lơh broă ntrờn tiah kis in” neh tơn jơh.

Pơrjum ringbal jơnau yal bơr bal bè ntrờn tiah kis cau lơh broă ờ do ờ dă. Jơnau yal bơr bal bơh pơrjum dê đơs tờm, bal mờ gơp chul chồl ntrờn tiah kis cau lơh broă ờ do ờ dă bơh broă sơlơ bơtàu tơnguh ală mpồl atbồ cau ntrờn tiah kis, cribơyai jơnau tơnggit mờ chul chồl ală gah geh gơ rềng tam pà kơnòl.

Jơnau yal bơr do hơ pơrgon sền gàr ală gơnoar bơh cau lơh broă ntrờn tiah kis dê, rơcang sơndră bơta kă bro kòn bơnus, rồn bơ klơn cau lơh broă ntrờn tiah kis. Ală Bộ trưởng hơ pơrgon, pơnjat tai chul chồl tam klac bè ntrờn tiah kis cau lơh broă đah ală lơgar di mờ adat boh lam.