VOV4.K’ho – Mho òr10/5, Pơrjum dơ\ 5 Ban chấp hành Đảng Dà lơgar kơnă XII neh pơrjum dơ\ tơn jơh tàm hìu pơrjum. Tơnơ\ tu\ sền sơ wì mờ cribơyai ală sră yal, rơndăp broă lơh mờ ală jơnau yal bơh Bộ Chính trị, Ban Chấp hành Đảng Dà lơgar neh lơh nền: Ring bal tơngume dờng màng ală Nghị quyết bè lơh gơs gùng dà broă lơh kơrnoat boh lam lơh sa drà kă bro pơlam gùng jat xã hội chủ nghĩa; Nghị quyết bè pơn jat tai rơndăp tăp sèng wơl, tam gơl pa mờ tơnguh jơnhoa cồng nha mpồl lơh sa kă bro dà lơgar; Nghị quyết bè bơtàu tơnguh lơh sa is gơ gơs là dùl bơta pràn chồl kuơmàng bơh rài lơh sa drà kă bro pơlam gùng jat xã hội chủ nghĩa. Ban Chấp hành Đảng Dà lơgar ring bal mờ Sră yal mờ jơnau yal sền tìs di bơta đơng lam, atbồ bơh Bộ Chính trị mờ Ban Bí thư dê tàm nam 2016 gơ jat bal mờ lơh jat Nghị quyết dà lơgar 4 kơnă XII bè bơ\t bơtàu mờ lơh niam wơl Đảng. Ban Chấp hành Đảng Dà lơgar neh cribơyai mờ ring bal lơh glài ồng Đinh La Thăng- Ủy viên Bộ Chính trị- Bí thư Thành ủy [òn dờng Hồ Chí Minh, lài do là Bí thư Đảng ủy, Kuang atbồ Mpồl duh broă gơ wèt Tập đòan Nhơm zờu dà lơgar Việt Nam mờ broă lơh glài bơto tơngkah mờ ai tơn jơh at gơnoar broă Ủy viên Bộ Chính trị kơnă XII. Ban Chấp hành Đảng Dà lơgar hòi jà jơh gùt Đảng, gùt làng bol mờ gùt ling klàng sơlơ tam klac bal, dùl nùs bal, lơh ngan sơr lèt gan jơh ală kal ke, bơta lòng, mu\t lơh geh cồng nha ală nghị quyết Pơrjum Dà lơgar dơ\ do dê, pơgồp bơnah mu\t lơh jai pha kơnòl broă nam 2017 mờ Nghị quyết Pơrjum dờng cau ala mat gùt lơgar dơ\ XII bơh Đảng dê.

Cau cih mờ yal tơngi\t- Lơ Mu K’ Yến