VOV4.K’ho - Mho òr (07/7), tàm Hà Nội, tơnơ\ mờ 4 ngai lơh broă, pơrjum dơ\ 3 mpồl duh broă Đảng dà lơgar kơnă 12 neh lơh gơs broă ai tơl^k. Ồng Nguyễn Phú Trọng, kuang atbồ đơng lam Đảng dà lơgar neh đơng lam mờ geh jơnau đơs tàm dơ\ tơn jơh pơrjum.

Tơnơ\ mờ 4 ngai lơh broă mhar, nền nòn, pơrjum dơ\ 3 mpồl duh broă Đảng dà lơgar neh lơh gơs broă geh ai. Ală kuang bàng tus pơrjum neh tơl^k uă kơnòl, tơnguh broă lơh tòm, song dơ pă cri bơyai bal, pơgồp bal uă jơnau đơs kuơ màng tàm ală sră nggal mờ ală tơngu me pơrjum geh ai. Gah gùng dră bal dà lơgar neh iăt ală jơnau pơgồp bal di pal mờ mblàng ală broă gam geh jơnau đơs ờ ndrờm bal. Mpồl duh broă Đảng dà lơgar neh ring bal uă bơh kơrnoăt pơrjum. Tơn jơh pơrjum, ồng Nguyễn Phú Trọng neh đơs tòm, lơh loh rơlao tai ờ uă broă kờ` ring bal tàm broă bơyai lơh, đơng lam lơh jăt. Dùl là, pơrjum cri bơyai mờ ring bal bè kơrnoăt tơngu me broă lơh mpồl duh broă Đảng dà lơgar, Gah gùng dră bal dà lơgar, mpồl duh broă Đảng mờ anih duh broă sền gròi Dà lơgar kơnă 12; sền do là ală sră nggal kuơ màng kờ` lơh mùl màl jơh kơrnoăt Đảng, ai tơl^k tơngu me kờ` pơn jăt tai lơh niam sră nggal tàm Đảng mờ tam gơl broă đơng lam Đảng dê. Bàr là, mpồl duh broă Đảng dà lơgar ring bal tơl^k kơrnoăt lơh jăt kơnroăt Đảng, kơrnoăt bè broă sền gròi mờ lơh glài đảng. Pe là, pơrjum neh ring bal bè broă yal khà kuang bàng đơng lam dờng ală anih lơh broă dà lơgar tơngai lơh broă bơh nam 2016 tus 2021.

                       Cau cih mờ yal tơng^t Ndong Brawl