VOV4.K’ho - Drim òr (10/9) tàm hìu pơrjum dunia, càr lơgar Hà Nội neh bơyai lơh dơ\ pơrjum tơn jơh Đại hội đồng AIPA 41 jăt broă lơh pờ tơl^k tơn tàm internet, tềng đăp mờ broă đơng lam bơh Chủ tịch Quốc hội mò Nguyễn Thị Kim Ngân, Chủ tịch AIPA 41.

                     Chủ tịch Quốc hội mò Nguyễn Thị Kim Ngân jào mu\t ala măt lơgar Brunei Darussalam

Đơs tàm dơ\ tơn jơh pơrjum Đại hội đồng AIPA 41, Chủ tịch Quốc hội mò Nguyễn Thị Kim Ngân pà g^t, Đại hội đồng AIPA dơ\ 41 là broă gơguh kuơ màng pơn jăt tai nàng AIPA pơn jăt tai lơh jăt broă lơh kuơ màng mpồl do dê, hơ\ là chồl pràn tam klăc bal, g^t wă bal, lơh broă bal, broă lơh bal nền nòn bơh Nghị viện ală lơgar tàm mpồl ASEAN mờ lòt bal mờ Chính phủ ală lơgar tàm mpồl ASEAN tàm broă bơ\t bơtàu mpồl bơtiàn tài bơta ring lơngai, ring niam mờ geh kuơ bơh ală làng bol dê. Ală Nghị quyết geh ring bal mờ ală dơ\ cri bơyai neh đơs tus mờ gơnoar kuơ màng bơh Nghị viện tus bal tàm broă lơh jăt ală jơnau hơ nàng gàr niam bơta ring lơngai, lơngăp lơngai, pas gơs mờ kơl jăp, tài bơta kuơ bơh ală làng bol tàm mpồl ASEAN.

Tơnơ\ mờ jơnau đơs tơn jơh pơrjum, Chủ tịch Quốc hội neh bơyai lơh broă tam jào gơnoar Chủ tịch AIPA nam 2020 ai lơgar bơyai lơh AIPA 2021 in là lơgar Brunei Darussalam.

Cau mblàng Ndong Brawl