VOV4.K’ho - Tơnơ\ mờ rơlao 1 ngai lơh broă mhar, nền nòn, drim òr (09/03), tàm hìu lơh broă Đảng Dà lơgar, pơrjum dơ\ 2 Ban Chấp hành Đảng Dà lơgar khoă 13 neh pơrjum tơn jơh. Đơs tơn jơh pơrjum Đảng dà lơgar dơ\ 2, Tổng Bí thư, Chủ tịch lơgar ồng Nguyễn Phú Trọng đơs tờm ală kuang bàng tus pơrjum neh tơl^k uă nùs nhơm geh kơnòl, tơnguh broă lơh tờm, song dơ pă cri bơyai, pơgồp bal uă jơnau đơs kuơ màng tàm ală pang sră yal. Jơnau yal mờ ală tơngu me bơh pơrjum. Ban Chấp hành Đảng dà lơgar ring bal uă mờ Nghị quyết bơh pơrjum.

Bè broă yal kuang bàng đơng lam dờng màng bơh ală anih lơh broă dà lơgar, Tổng Bí thư, Chủ tịch lơgar đơs tờm: tàm tơngu me lơh jăt mờ pal lơh jăt gùng dà broă lơh kuang bàng geh pơrjum dờng dơ\ 12 bơh Đảng ring bal; ai bơh tàm mùl màl mpồl kuang bàng tu\ do geh mờ jơnau kờ` bè broă tơnguh uă bơta niam broă lơh bơh mpồl kuang bàng ală anih lơh broă dà lơgar, pơgồp bal mờ jơnau kờ` tềng tềng đăp măt mờ broă rơcang ai ală tơngai pơn jăt tai, gàr niam broă pơn jăt tai mờ tơnguh bơtàu; Ban Chấp hành Đảng dà lơgar neh lơh tờm tàm broă cri bơyai, sền wơl nền nòn, rơwah gùng dà broă lơh di pal ngan tàm bơta gơtùi mờ neh lơh geh jơnau ring bal uă ngan.

Cau mblàng Ndong Brawl