VOV4.K’ho – Tơ nơ\ 3 poh lơh broă, drim òr, 12/4, tềng đap bơta đơng lam bơh mò Nguyễn Thị Kim Ngân kuang atbồ gơ noar ala mat dà lơgar, gơ noar ala mat dà lơgar tơn jơh pơrjum dơ\ 11 – là pơrjum lồi dut bơh tơngai lơh broă gơ noar ala mat dà lơgar kơnă 13 dê. Lài mờ dơ\ pơrjum tơn jơh, bal mờ khà uă ringbal, gơ noar ala mat dà lơgar neh ringbal kơrnuat bè rơndap broă bơtàu tơnguh lơh sa mpồl bơtiàn 5 nam, bơh nam 2016 tus nam 2020. Kung tàm drim òr, gơ noar ala mat dà lơgar ringbal kơrnuat bè broă lơh tơngai bơh nam 2011 tus nam 2016 bơh gơ noar ala mat dà lơgar, kuang atbồ lơgar, gơ noar atbồ lơgar, kuang gơs gơnap gơ noar atbồ hơđang rlau jơh dà lơgar, kuang atbồ anih cah rơ`a jơnhua ngan rlau jơh dà lơgar, kuang atbồ anih sền gròi mut ngui kơrnuat boh lam jơnhua ngan rlau jơh dà lơgar mờ đah kờp sền kes priă dà lơgar. Đơs tơn jơh pơrjum dơ\ 11, mò Nguyễn Thị Kim Ngân đơs tờm, tơ nơ\ ală ngai lơh broă jal mhar, jơh nùs mờ bềng kơ nòl, gơ noar ala mat dà lơgar neh lơh jơh niam bơne\ broă lơh pơrjum dơ\ 11, pơrjum lồi dut bơh tơngai lơh broă gơ noar ala mat dà lơgar kơnă 13 dê.

                                          Cau cih mờ yal tơngit K’ Duẩn.