VOV4.K’ho – Mho òr 11/10, tàm hìu lơh broă Đảng Dà lơgar dê, Pơrjum dơ\ 12 Mpồl duh broă Đảng dà lơgar kơnă XI neh tơn jơh tơnơ\ 7 ngai lơh broă. Ồng Nguyễn Phú Trọng kuang atbồ đơng lam Đảng dà lơgar đơng lam mờ geh jơnau đơs kuơmàng tơn jơh dơ\ pơrjum. Ồng Nguyễn Phú Trọng đơs tờm: Pơrjum neh lơh geh cồng nha niam bơne\ ngan mờ đơs loh: cồng nha pơrjum geh pơgồp bơnah uă ngan tàm broă lơh jơh jai pha kơnòl broă bơtàu tơnguh lơh sa- mpồl bơtiàn nam 2015; bơ\t bơtàu mờ mu\t lơh Broă rơndăp lơh bơtàu tơnguh lơh sa- mpồl bơtiàn nam 2016. Pơrjum do kung neh tơrgùm lơh niam broă lơh rcang kuang bàng lơh broă tàm Mpồl duh broă Đảng Dà lơgar kơnă XII; atbồ mờ đơng lam dơ\ te\ khà Gơnoar ala mat dà lơgar kơnă XIV mờ Mpồl duh broă ala mat làng bol ală kơnă tơngai lơh broă bơh nam 2016- 2021; lơh kơ\ kơl jăp mờ sơlơ tơnguh niam tai mpồl kuang bàng lơh broă dà lơgar, lơh geh jơnau sồr mờ kơnòl broă tàm tơngai lơh broă bơh nam 2016- 2021.

Cau cih mờ yal tơngi\t- Lơ Mu K’ Yến