VOV4.K’ho – Ngai òr 12/7, bơh bơta đơng lam bơh mò Nguyễn Thị Kim Ngân, Chủ tịch Quốc hội dê, Ủy ban Thường vụ Quốc hội neh bơyai lơh tơn jơh pơrjum dơ\ 12.

Lài hơ\, tă pơgồp jơnau đơs bè broă tam gơl broă ngui priă trái phiếu Chính phủ rơcang lài tơngai bơh nam 2012- 2015 bơh Broă lơh kơ\ kơl jăp wơl hìu bơsram, cơldu\ bơsram, Ủy ban Thường vụ Quốc hội ring bal bè broă tam gơl mat khà priă nàng bơcri lơh 880 cơldu\ bơsram jat jơnau sồr bơh Chính phủ dê.

Đơs tơn jơh dơ\ pơrjum 12, mò Nguyễn Thị Kim Ngân sồr ală anih lơh broă geh gơrềng iat kơno jơnau đơs tă pơgồp bơh Ủy ban Thường vụ Quốc hội dê, lơh jơh ală Nghị quyết, Jơnau yal, mơkung sồr rơcang Rơndăp cih jơnau yal pơndu\t bè tơngume gơrềng tus tơl broă lơh kơnòl.

Cau cih mờ yal tơngi\t- Lơ Mu K’ Yến