VOV4.K’ho – Ơ làng bol mờ gơp bơyô! Tơnơ\ 8 ngai lơh broă, mho òr, tàm Hà Nội, pơrjum dơ\ 13 Mpồl đơng lam Đảng dà lơgar kơnă 11 neh tơn jơh. Ồng Nguyễn Phú Trọng kuang atbồ đơng lam Đảng dà lơgar neh đơng lam mờ geh jơnau đơs kuơ màng tơn jơh pơrjum..

Ồng Nguyễn Phú Trọng đơs loh: Pơrjum neh tơn jơh niam bơne\; uă tơngume broă lơh kuơ màng rơcang tus pơrjum dờng dơ\ 12 bơh Đảng dê bơh sơn rờp neh geh lơh jơh jat di mờ jơnau sồr mờ rơndap broă ai tơlik. Bơh ngai 14 tus ngai 21/12/2015, Mpồl đơng lam Đảng dà lơgar kơnă 11 neh pơrjum dơ\ 13 nàng cribơyai bè broă cih dờp jơnau đơs tă pơgồp bơh pơrjum mpồl Đảng ală kơnă, bơh kuang bàng Gơnoar ala mat dà lơgar, Gah tề lam gùng dră bal dà lơgar, ală mpồl làng bol, bơh kuang bàng, cau geh Đảng mờ làng bol tàm ală rơndap cih sră nggal yal tus pơrjum dờng dơ\ 12 bơh Đảng dê; bè mpồl cau duh broă mpồl đơng lam Đảng dà lơgar, bè rơndap cih kơrnuat lơh broă bơh Pơrjum cau ala mat gùt lơgar dơ\ 12 bơh Đảng dê, rơndap cih kơrnuat te\ khà tàm Pơrjum cau ala mat gùt lơgar dơ\ 12 bơh Đảng dê yal tus pơrjum dơ\ 12 mờ ờ uă bơta kuơ màng ndai. Mpồl đơng lam Đảng dà lơgar hòi jà gùt Đảng, gùt làng bol mờ gùt ling klàng he dê, brồ guh ală cồng nha dờng màng, geh kuơ kah yau tàm 30 nam tam gơl pa mờ ală cồng nha kuơ màng lơh geh tàm 5 nam do, lơh ngan pơr lòng lơh geh uă cồng nha jak ngan gờm chờ Pơrjum cau ala mat gùt lơgar dơ\ 12 bơh Đảng dê.

                                                                  Cau cih mờ yal tơngit K’ Duẩn.