VOV4.1K’ho – Tơ nơ\ 3 ngai lơh broă jơh nùs, jal mhar, ngai òr, 20/1, Ủy ban Thường vụ Quốc hội lơh jơh broă lơh pơrjum dơ\ 6. Tàm pơrjum tơn jơh, Chủ tịch Quốc hội Nguyễn Thị Kim Ngân pà git, ală kuang bàng bơh Ủy ban Thường vụ Quốc hội neh lơh jơh broă ai jơnau đơs tàm 8 rơndap adat là: Adat kơ nòl tơm wơl dà lơgar tam gơl; Adat dong kờl kơrnuat boh lam tam gơl; Adat atbồ cribơyai kă bro mờ lơgar ndai; Adat dong kờl mpồl lơh sa kă bro dềt mờ dimơ; Adat rơndap broă lơh; Adat atbồ, ngui phan bơna dà lơgar tam gơl; Adat atbồ, ngui phàu crong, phan bơrtoh mờ phan dong kờl; Adat rơcang gàr. Chủ tịch Quốc hội sồr ală anih cih adat mờ ală mpồl lơh broă geh gơ rềng pơnjat tai kơ lôi sơ nơng, cih dờp jơnau đơs bơh ală kuang bàng Ủy ban Thường vụ Quốc hội, ală kuang bàng Quốc hội, lơh sir bơh sơn rờp jơnau yal mblàng, yal tơnggit mờ bơsong rơndap adat boh lam, pơyua dan jơnau đơs ală mpồl kuang bàng Quốc hội, ală kuang bàng Quốc hội.

           Cau cih mờ yal tơnggit K’Duẩn