VOV4.K’ho-  Mho ngai (4/12), Pơrjum dờng cau ala mat gùt lơgar ală jơi bơtìan kòn cau dơ\ 2 pơn jat tai lơh broă mờ bơnah sền jơnau cribơyai tă pơgồp bal bơh ală cau ala mat dê mờ ring bal Sră pơyoa tơngo\ bơta jơh nùs bơh Pơrjum dờng dê mờ pơrjum tơn jơh. Tàm dơ\ Pơrjum dờng, ală cau ala mat pờ tê ring bal Sră pơyoa tơngo\ bơta jơh nùs Pơrjum dờng dê.

Ồng Trương Hòa Bình, Phó Thủ tướng Chính phủ đơs tàm dơ\ pơrjum

Đơs tàm dơ\ tơn jơh pơrjum, ồng Trương Hòa Bình, Phó Thủ tướng Chính phủ, Kuang atbồ Mpồl đơng lam Pơrjum dờng đơs ngan: Pơrjum dờng neh ring bal nùs nhơm lơh broă ala mat ai mpồl cau rlau 14 tơlak 200 rơbô nă làng bol kòn cau bơh Sră pơyoa tơngo\ bơta jơh nùs bơh Pơrjum dờng dê pơyoa tus mờ Đảng dà lơgar, Chủ tịch lơgar, Quốc hội, Chính phủ mờ Mặt trận dà lơgar Việt Nam in. Dùl dơ\ tai đơs ngan ală jơi bơtìan kòn cau là poăc mhàm bal là mpồl cau ờ gơtùi tam cah is bơh mpồl tam klăc dờng ală jơi bơtìan kòn cau kah sùm tàm nùs nhơm bồ tơngoh bơh Bác Hồ kờ` gơboh dê bè bơta tam klăc dờng ală jơi bơtìan kòn cau.

Cau mblàng K’ Hạnh