VOV4.K’ho- Tơnơ\ rlau 7 ngai lơh broă jơh nùs, ring bal dùl nùs, jơh nùs mờ jal mhar, mờ bơta git wă geh kơ nòl ua\ tềng đap Đảng, làng bol mờ dà lơgar, drim ngai 01/02, tàm Tiah tờm pơrjum dà lơgar (Mỹ Đình, Hà Nội), pơrjum dờng cau ala mat gùt lơgar dơ\ 13 bơh Đảng dê neh pơrjum tơn jơh. Mờ jơnau đơs “Tam klac bal, làng bol lơh tờm, lơh jat kơrnuat, bơceh pa, bơtàu tơnguh”, pơrjum dờng cau ala mat gùt lơgar dơ\ 13 bơh Đảng dê neh lơh gơs jơh ală tơngume, broă lơh ai tơlik.

Pơrjum neh ring bal ua\ ală sră nggal kuơmàng. Yal cồng nha pồ Ban Chấp hành Đảng dà lơgar, Bộ Chính trị, Tổng Bí thư, Ban Bí thư ndrờm là ală kuang bàng geh pơn rơ jak ai rlau 5 tơlak 100 rbô nă đảng viên in, geh tơl khà bè nùs nhơm, pràn jak, bồ tơngoh bơsram sră mờ nùs tồr niam nàng a` ơnòng kơ nòl broă dờng màng mờ Đảng, làng bol jàu.

Tổng Bí thư, Chủ tịch lơgar đơs nền, pơrjum dờng neh lơh jơh nùs, di mờ Điều lệ Đảng, ngac ngar rơ wah mờ pồ ală kuang bàng tơl khà, dipal mut tàm Ban Chấp hành Đảng dà lơgar khóa 13 geh: 180 nă kuang geh jơng tàm Đảng dà lơgar ngan ngồn mờ 20 nă kuang geh jơng rơcang lài. Pơrjum dờng kung neh jàu kơ nòl broă dờng màng ai Ban Chấp hành Đảng dà lơgar khóa 13 in đơng lam jơh gùt Đảng, jơh gùt làng bol, jơh gùt ling klàng he lơh jat geh cồng nha Nghị quyết pơrjum dờng.

Cau mblàng K’Duẩn