VOV4.K’ho – Drim òr 9/9, pơrjum kuang bàng Gơnoar ala mat dà lơgar lơh kơnòl broă sùm neh tơn jơh. Đơs tơn jơh pơrjum kuang bàng Gơnoar ala mat dà lơgar lơh kơnòl broă sùm, ồng Uông Chu Lưu, Kuang jat jơng atbồ Gơnoar ala mat dà lơgar sồr anih lơh broă bơceh cih mờ anih lơh broă sền sơ wì wơl pơgồp bal niam nàng kơlôi sơnơng, iat kơno ală jơnau đơs tă pơgồp cribơyai, lơh gơs rơndăp cih Adat pin dờn jat yàng, Adat bè mpồl, lài mờ tu\ jun yal mờ Anih duh broă sùm Gơnoar ala mat dà lơgar in tàm pơrjum dơ\ tus do. Mìng is, gơ wèt tus mờ rơndăp cih Adat bè Mpồl, ồng Uông Chu Lưu sồr, ală jơnau cih tàm rơndăp cih Adat kờn pal lơh jat jơnau cih bơh Sơnoa boh lam dê bè sền dờng màng, hơ pơrgon, sền gàr gơnoar khat gơboh crơng gơs mpồl bơh cau làng bol tàm lơgar dê, pal lơh geh jơnau sồr atbồ dà lơgar bè mpồl tàm tu\ tơngai pa, bơsong geh ală bơta kòl yal, ờ suk tu\ do bè broă lơh do.

Cau cih mờ yal tơngi\t- Lơ Mu K’ Yến