VOV4.K’ho- Ngai 29/12, tàm [òn dờng Buôn Ma Thuột, Bộ Nông nghiệp mờ Phát triển Nông thôn pơgồp bal mờ Ủy ban Nhân dân càr Dak Lak bơyai lơh pơrjum “Sền sơ wì cồng nha lam lơh rơndap broă phan bơna dà lơgar kơphe geh bơta niam ua\”. Rơndap broă do geh Thủ tướng ring bal tàm nam 2017 mờ jơnau kờ` bơtàu tơnguh gah kơphe lơh gơlik phan bơna geh bơta niam ua\, geh bơta pràn tàm pơrlòng mờ bơta kươ gơguh ua\.

Tơn jơh rơndap broă bơtàu tơnguh phan bơna dà lơgar “Kơphe Việt Nam geh bơta niam ua\”

Bơh rlau 2 nam nggùl lam lơh, ală càr Tây Nguyên neh lơh geh jơnau kờ` bè cồng nha tơnhàu geh 2 tấn 7 tạ tàm 1 lồ neh ai tơlik tàm rơndap broă; neh rơ wah, lơh gơlik 4 sơntìl kơphe geh bơta niam ua\; bơt bơtàu tiah tam kơphe niam geh sră dờp tơl khà nàng lơh phan drơng broă lơh gơlik in; bơt bơtàu tơl khà mat kă bro kơphe Việt Nam geh bơta niam ua\; ngui khoa học kỹ thuật công nghệ tàm broă lơh sa [ồm dà tềm pềr, tơrmù hoàc huơr tơ nơ\ tơnhàu, lơh sir công nghệ lơh niam mờ lơh gơlik phan; bơt bơtàu broă lơh lơh bal ròt bơta kươ lơh geh tàm broă lơh sa mờ kă bro kơphe Việt Nam geh bơta niam ua\.

Cau mblàng K’ Duẩn