VOV4.K’ho – Ngai òr 3/3, tàm [òn dờng Nha Trang, càr Khánh Hoà, Pơrjum ală kuang bàng dờng màng APEC dơ\ dùl (SOM1) neh pơrjum dơ\ tơn jơh. Dơ\ pơrjum do kung neh tơn jơh wơl rlau 60 dơ\ pơrjum bơh ală tiểu ban, mpồl kỹ thuật gơrềng tus uă broă tam klac bal bơh APEC dê geh lơh tàm 2 poh do. Ală kuang bàng neh dùl nùs bal jơh mờ ring bal tơngume kung bè 4 broă lơh lài bơh nam APEC 2017 dê mờ Việt Nam sồr lơh. Cồng nha pơrjum SOM1 pà go\ bơta tam klac bal tàm tơrbo\ bal, lơh khat gơboh kă bro mờ bơcri priă pơn jat tai là broă lơh tờm tàm châu Á- Thái Bình Dương. Ală lơgar tàm mpồl APEC geh pơn jat tai cribơyai ală bơta dờng tàm Pơrjum kuang bàng dờng màng APEC dơ\ 2 (SOM2) rơcang lơh tàm nhai 5 tàm [òn dờng Hà Nội, nàng tam klac bal APEC ngai sơlơ ngan ngồn gơ wèt tus mờ jơh ală rơnàng cau, tus tơl mpồl lơh sa kă bro, tơl nă làng bol. Cồng nha bơh SOM1 dê ngan là dùl broă sơnđờm niam ai nam APEC Việt Nam drơng lơh in.

Cau cih mờ yal tơngi\t- Lơ Mu K’ Yến