VOV4.K’ho – Drim ngai 17/9, tàm Hà Nội, Quân ủy dà lơgar, Bộ Quốc phòng bơyai lơh pơrjum pờ tơlik tơn tàm internet tơn jơh srơh tàm pơrlòng “Lam sồr làng bol jak”, bơt bơtàu “Mpồl lam sồr làng bol niam” tàm ling klàng tơngai bơh nam 2016 tus nam 2020.

Đơs tàm pơrjum, Kuang atbồ Ban Dân vận dà lơgar, mò Trương Thị Mai đơs niam cồng nha lơh geh tàm srơh “Lam sồr làng bol jak” bơh ling klàng dê, mờ rlau 7 rbô mpồl lơh broă lam sồr làng bol, rlau 14 rbô nă cau geh pơn rơ “Lam sồr làng bol jak”, “Mpồl lam sồr làng bol niam” neh geh dờp, jờng rơ, pơgồp bơnah kuơmàng ai srơh “Lam sồr làng bol jak” bơh ling klàng mờ gùt lơgar dê.

Đơs nền, ală mpồl ling pal pơn jat tai bơt bơtàu mờ lam lơh ua\ ală cau geh pơn rơ “Lam sồr làng bol jak”, lơh gơ rề niam rùp să “Cau ling wa Hồ” tàm tơngai pa. Tàm pơrlòng bơsram ală krơh niam phi să, hui\ să tờm tài làng bol, tài lơngap lơngai is, gơ noar tờm, tơrgùm dùl, tơl làm ù tiah bơh dà lơgar dê, lơh gơlik srơh lơh broă kac màng jrô ơnàng tàm làng bol.

Cau mblàng K’Duẩn