VOV4.K’ho - Tổng Bí thư, Chủ tịch lơgar Nguyễn Phú Trọng bal mờ Chủ tịch Đảng Nhân dân lơgar Campuchia (CPP), Thủ tướng Chính phủ lơgar Campuchia ồng Hunsen neh geh dơ\ cri bơyai tàm điện thoại nàng cri bơyai bè broă lơh bal bơh lơgar Việt Nam mờ lơgar Campuchia.

Tàm dơ\ cri bơyai, Tổng Bí thư, Chủ tịch lơgar Nguyễn Phú Trọng đơs bàr lơgar pơn jăt tai lơh broă bal nền nòn, yal di tu\ bal tàm broă rơcang sơndră mờ kòp Covid-19, mờ geh sùm broă kă bro bal bè ờs tàm tiah nhàr dà lơgar, di tu\ bơsong ală broă gơbàn mờ kal ke tàm nùs nhơm lơh broă bal, tam pà bal.

Bàr gah ring bal pơn jăt tai pơgồp bal lơh jăk ală jơnau yal bơr bal, ală hiệp định, jơnau ring bal lơh broă bơh bàr gah, rơcang lài nàng bơyai lơh pơrjum Uỷ ban tơrgùm bal dơ\ 18, pơrjum dơ\ 11 bè broă lơh bal mờ tơnguh bơtàu ală càr jăt gah nhàr dà lơgar bơh lơgar Việt Nam mờ lơgar Campuchia tơnơ\ mờ tu\ geh bơta niam geh ai; geh ală broă lơh mùl màl kờ` bơsong ală kal ke ai broă lơh sa bơh bàr lơgar tơnguh bơtàu jăt gùng dà kơl jăp.

Cau mblàng Ndong Brawl