VOV4.K’ho- Drim ngai 25/11, tàm hìu lơh broă Đảng dà lơgar, Tổng Bí thư, Chủ tịch lơgar, ồng Nguyễn Phú Trọng, Kuang atbồ Mpồl đơng lam dà lơgar bè rơcang sơndră sa kuề sa kùa đơng lam pơrjum Thường trực Mpồl đơng lam nàng cribơyai, ai jơnau đơs gơ wèt tus mờ 2, 3 broă lơh tìs, broă gơlik geh gơ wèt Mpồl đơng lam sền gròi, đơng lam bơh tơ nơ\ pơrjum dơ\ 17 tus tu\ do mờ 2, 3 tơngume kươmàng ndai.

Pà git kơ nòl broă tàm tơngai tus, Thường trực Mpồl đơng lam sồr ală kấp ủy, mpồl duh broă Đảng bal mờ broă sền gròi đơng lam, pơlam rơcang sơndră kòp Covid-19 mờ bơtàu tơnguh lơh sa mpồl bơtìan, pal pơn jat tai đơng lam, pơlam chồl pràn broă lơh rơcang sơndră sa kuề sa kùa; lơh gơs di mờ tơngai hơ pơrgon broă lùp khàu, lah yă, cah rơ`a ală broă lơh tìs, lùp khàu, bơsong ală broă tìs sa kuề sa kùa, lơh sa jat broă rơndap lơh.

Lơh ngan tus jơh nam 2020, tơn jơh lùp khàu 5 broă lơh tìs; tơlik jơnau cih glài lah yă 1 broă lơh tìs; cah rơ`a dơ\ sơn rờp 6 broă lơh tìs, cah rơ`a dơ\ bàr 5 broă lơh tìs mờ tơn jơh broă lùp khàu, bơsong 12 broă gơlik geh jat di broă rơndap lơh bơh Mpồl đơng lam dê.

Cau mblàng K’Duẩn