VOV4.K’ho-Ngai òr (05/7), tàm Hìu lơh broă Đảng dà lơgar, Tổng Bí thư, Chủ tịch  lơgar ồng Nguyễn Phú Trọng neh đơng lam pơrjum Bộ Chính trị ờs mờng.

Tàm dơ\ pơrjum, Bộ Chính trị neh iăt Mpồl đơng lam Đảng chính phủ yal bè gùng dà broă lơh lơh gơs kơrnoat boh lam, broă lơh, tơnguh uă bơta niam, cồng nha gơ hòi gơ jà, mờ ngui priă bơcri bơh lơgar ndai tus nam 2030. Jat tàm jơnau pơn du\t lý luận mờ bơta geh ngan rlau 30 nam bơcri priă bơh lơgar ndai, jơnau đơs nền bơh ală anih lơh broă geh gơnoar, jat tàm jơnau sồr, kơnòl pa, Bộ Chính trị neh lơh nền ai Nghị quyết tơngume bè broă kuơ màng do.

Sền sơ wì Sră yal bơh Đảng ủy Kuang àng dà lơgar mờ jơnau đơs ngan bơh ală anih lơh broă geh gơ rềng, jat tàm bơnàng tơn jơh 10 nam lơh jat Chỉ thị sồ 21 mờ jơnau sồr jal mhar tu\ do, Bộ Chính trị neh lơh nền ai Chỉ thị bè pơn jat tai sơlơ tơnguh kuang đơng lam bồ, sồr lơh jat broă lơh rcang sơn dră mờ sền gròi ma tuý tàm tơngai pa. Kung tàm dơ\ pơrjum do sơl, Bộ Chính trị neh ring bal ai Quyết định pa, gơnoar, kơnòl, mpồl lơh broă bơh Pang sră ba\o Cộng sản; mờ lơh nền bàr pe nă kuang bàng lơh broă gơ wèt Bộ Chính trị atbồ.

Cau mblàng K’ Hạnh