VOV4.K’ho- Tàm hìu lơh broă Đảng dà lơgar, Tổng Bí thư, Chủ tịch lơgar, ồng Nguyễn Phú Trọng đơng lam pơrjum Bộ Chính trị nàng kờ` cih dờp jơnau đơs tă pơgồp bơh ală Đảng bộ gơ wèt, ală kuang bàng Quốc hội khóa 14, Mặt trận dà lơgar Việt Nam, ală mpồl lơh broă chính trị mpồl bơtìan, kuang bàng, Đảng viên mờ làng bol dê nàng lơh sir ală jơnau rơcang cih sră nggal bơh Đảng dê rơcang yal pơrjum Đảng dà lơgar dơ\ 14 khóa 12 in sền sơ wì mờ lơh nền.

Ala mat Bộ Chính trị đơs pơn dut pơrjum, Tổng Bí thư, Chủ tịch lơgar, ồng Nguyễn Phú Trọng tơngkah ală mpồl cih sră nggal pal sền gròi nền nòn, iat mờ jơh nùs cih dờp jơnau đơs dipal bơh ală cau khoa học, cau geh bồ tơngoh bơsram sră, ală rơnàng làng bol, pơgồp bơnah lơh sir jơnau rơcang cih ală sră nggal; pal sền sơ wì nền nòn, dipal, tơrgùm ua\ ngan rlau jơh ai broă lơh do in, sền do là kơ nòl broă chính trị khà dùl. Jat Tổng Bí thư, Chủ tịch lơgar đơs, jơnau rơcang cih sră nggal pơrjum dờng dơ\ do geh rơcang nền nòn den geh pơgồp bơnah tàm cồng nha pơrjum dờng dơ\ 13 bơh Đảng dê, lam dà lơgar mut tàm dùl tu\ tơngai bơtàu tơnguh pa.

Cau mlàng K’Duẩn