VOV4.K’ho- Ngai 19/11, tàm Hà Nội, Tổng Bí thư, Chủ tịch lơgar, ồng Nguyễn Phú Trọng đơng lam pơrjum kuang bàng gùt lơgar tơn jơh broă bơyai lơh pơrjum dờng Đảng bộ ală kấp tơngai lơh broă bơh nam 2020 tus nam 2025.

                                           Tổng Bí thư, Chủ tịch lơgar, ồng Nguyễn Phú Trọng

                                                                     Ală kuang bàng tus pơrjum

Tus tu\ do, gùt lơgar neh lơh gơs broă bơyai lơh pơrjum dờng Đảng bộ 3 kấp. Jơh gùt Đảng neh bơyai lơh jơh nùs, geh ua\ tam gơl pa, di mờ tơngai pơrgon, tơnguh bơta niam mờ lơh geh cồng nha niam bơne\. Tàm pơrjum, ua\ jơnau cribơyai neh đơs ală mờng chài mờ ai geh ală jơnau bơsram tàm broă bơyai lơh pơrjum dờng Đảng ală kấp, tơngai lơh broă bơh nam 2020 tus nam 2025.

Đơs tàm pơrjum, Tổng Bí thư, Chủ tịch lơgar, ồng Nguyễn Phú Trọng đơs nền, pơrjum dờng đảng bộ ală kấp tơngai lơh broă bơh nam 2020 tus nam 2025 neh lơh geh cồng nha niam ngan. Bơh mờng chài mờ jơnau bơsram ai geh, tơl nă kuang bàng, đảng viên pal pơn jat tai lơh krơh, gàr kơ\ nùs nhơm bơh cau kuang bàng kac màng dê, pơn jat tai tă pơgồp jơh nùs ai cồng nha bơh pơrjum dờng cau ala mat gùt lơgar dơ\ 13 bơh Đảng dê in.

Cau mblàng K’Duẩn