VOV4.K’ho - Mho òr (11/9), tàm anih lơh broă Đảng dà lơgar, Tiểu ban sră nggal pơrjum dờng dơ\ 13 neh pơrjum pơgồp jơnau đơs tàm ờ uă mpồl đảng mờ cau dùl nă să is, pơn jăt tai lơh gơs rơndăp broă jơnau yal chính trị yal mờ pơrjum dờng dơ\ 13 Đảng dê.

       Tổng Bí thư, Chủ tịch lơgar ồng Nguyễn Phú Trọng đơng lam pơrjum Tiểu ban sră nggal pơrjum dờng dơ\ 13 Đảng dê

                              Tiểu ban sră nggal pơrjum dờng dơ\ 13 pơrjum pơgồp jơnau đơs

Tổng Bí thư, Chủ tịch lơgar ồng Nguyễn Phú Trọng, kuang atbồ Tiểu ban sră nggal đơng lam pơrjum.

Tàm pơrjum, Tổng Bí thư, Chủ tịch lơgar đơs tòm, Jơnau yal chính trị là bơta tòm, jơh ală jơnau yal ndai pal jăt nùs nhơm bơh jơnau yal chính trị lơh tòm, den tàng pal kơlôi sơnơng nền nòn, sền uă dơ\, cri bơyai uă mờ nùs nhơm di pal bè broă lơi neh loh, neh geh mùl màl ai go\ cơng tàng là di, geh broă ring bal uă den ai tàm rơndăp broă jơnau yal, ală bơta lơi gam geh jơnau đơs ờ ndrờm bal, gam pa gam kơlôi sơnơng den pal nền nòn.

Tổng Bí thư, Chủ tịch lơgar sồr mpồl sền sơwì pal iăt rơwah ală jơnau pơgồp bal nàng pơn jăt tai lơh gơs rơndăp broă yal mờ Bộ Chính trị mờ pơrjum Dà lơgar lài mờ tu\ yal mờ pơrjum dờng dơ\ 13 Đảng dê.

Cau mblàng Ndong Brawl