VOV4.K’ho- Drim ngai 07/12, tàm Hà Nội, Quân ủy dà lơgar, Bộ Quốc phòng bơyai lơh pơrjum Quân chính gùt ling klàng nam 2020. Tổng Bí thư, Chủ tịch lơgar, Bí thư Quân ủy dà lơgar, ồng Nguyễn Phú Trọng neh tus bal mờ đơng lam pơrjum. Đơs tàm pơrjum, Tổng Bí thư, Chủ tịch lơgar, Bí thư Quân ủy dà lơgar, ồng Nguyễn Phú Trọng đơs niam ală cồng nha mờ mpồl ling klàng neh lơh geh tàm nam lài, nam geh gơ tha lơh nền tus cồng nha lơh jat Nghị quyết pơrjum dờng dơ\ 12 bơh Đảng dê mờ kung là nam gơtìp ua\ kal ke, bơta lòng tài broă gơlik geh mhar ngan, ờ gơtùi git lài, kuơmàng là bơta gơ rềng ua\ ngan bơh kòp dờng Covid-19 dê.

Tổng Bí thư, Chủ tịch lơgar pin dờn mờ nùs nhơm tam klac, ring bal dùl jơnau đơs, tam gơl pa, geh kơ nòl, lơh ngan ua\, ngan là Quân ủy dà lơgar, Bộ Quốc phòng mờ kuang bàng, cau ling gùt ling klàng geh lơh geh jai pha kơ nòl broă nam 2021, sùm sùm dipal mờ mat sơnđan “cau ling wa Hồ” mờ bơta sền ngềr, kờ` gơboh, pin dờn bơh Đảng, Dà lơgar mờ làng bol dê.

Cau mblàng K’Duẩn