VOV4.K’ho- Drim ngai 17/3, tàm Gơlang Kuang atbồ lơgar, Đại sứ Panama, ồng Eligio Alberto Salas De Leon, Đại sứ Singapore, ồng Jaya Ratnam, Đại sứ Indonesia, ồng Denny Abdi neh yal sră pơyua tus Tổng Bí thư, Chủ tịch lơgar, ồng Nguyễn Phú Trọng. Tơnơ̆ dơ̆ yal sră dà lơgar pơyua, Tổng Bí thư, Chủ tịch lơgar, ồng Nguyễn Phú Trọng neh wă ală Đại sứ. Tàm dơ̆ wă, Tổng Bí thư, Chủ tịch lơgar pin dờn mờ mờng chài, chài rơgơi mờ bơta git wă bè Việt Nam, ală Đại sứ geh lơh gơs jak ngan kơnòl broă dờng màng he dê, tơnguh git gơp lơh broă bal đah Việt Nam mờ ală lơgar mờ Đại sứ là cau ala mat.

Tổng Bí thư, Chủ tịch lơgar pà git, Việt Nam pa bơyai lơh geh cồng nha pơrjum dờng Đảng gùt lơgar dơ̆ 13. Kuơmàng bè lơh broă bal mờ lơgar ndai, pơrjum dờng dơ̆ 13 đơs nền Việt Nam geh pơn jat tai lam lơh ờ tam gơl gùng dà lơh broă mờ lơgar ndai is, lơh tờm is, ring lơngai, lơh bơyô, lơh broă bal mờ bơtàu tơnguh, li la git gơp lơh broă bal mờ lơgar ndai, rơcang lài mờ jơh nùs mut gơ rờm bal dunia tơl làm, jrô ơnàng; chồl pràn mờ lơh niam rlau tai git gơp lơh broă bal 2 gah mờ ală lơgar lơh broă bal, tàm hơ̆ geh ală lơgar mờ ală Đại sứ là cau ala mat.

Cau mblàng K’Duẩn