VOV4.K’ho –  Drim ngai 22/6, tàm Hà Nội, Ban Thường vụ Đảng ủy Kuang àng dà lơgar bơyai lơh pơrjum Đảng ủy tơn jơh broă lơh 6 nhai do, lam lơh jat kơ nòl broă tàm tơngai tus mờ cribơyai ai jơnau đơs tàm jơnau rơcang cih jơnau yal Chính trị yal pơrjum Đảng bộ Kuang àng dà lơgar dơ\ 7, tơngai lơh broă bơh nam 2020 tus nam 2025, sền sơ wì cồng nha broă lơh jat Nghị quyết pơrjum Đảng bộ Kuang àng dà lơgar dơ\ 6.

Tus bal mờ đơs tàm pơrjum, Tổng Bí thư, Chủ tịch lơgar, ồng Nguyễn Phú Trọng ring bal mờ Jơnau rơcang cih jơnau yal Chính trị yal pơrjum Đảng bộ Kuang àng dà lơgar dơ\ 7; mờ đơs, Đảng ủy Kuang àng dà lơgar neh rơcang lài jơh nùs, nền nòn, ring niam, lơh jat nùs nhơm đơng lam tàm Jơnau sồr sồ 35 bơh Bộ Chính trị dê mờ ală sră nggal pơlam bơh dà lơgar dê.

Tổng Bí thư, Chủ tịch lơgar sồr Đảng ủy Kuang àng dà lơgar pal sền gròi ai jơnau đơs ua\ rlau tai tus broă lơh bơt bơtàu Đảng bè broă bơyai lơh, kuang bàng, broă đơng lam bồ, pơlam nàng lơh gơs niam kơ nòl broă chính trị geh Đảng, dà lơgar jàu.

Cau mblàng K’Duẩn