VOV4.K’ho - Jăt jơnau yal bơh mpồl sền gàr, drơng gàr bơta pràn kơl dang să jan kuang bàng Dà lơgar yal, ồng Lê Khả Phiêu, deh nam 1931, Tổng Bí thư Đảng Cộng sản Việt Nam lài do, tơnơ\ mờ dùl tơngai gơtìp kòp, bu\ lah geh Đảng, Dà lơgar, mpồl ală giáo sư, bác sĩ neh lơh ngan sơm, cau tàm hìu nhă jơh nùs drơng gàr, mơya tài sơnam dờng bơta pràn kơl dang să jan ờ sô, ồng neh tăc nhơm tàm tu\ 02 jơ 52 phút ngai 07 nhai 8 nam 2020 tàm Hà Nội.

Dơ\ còp, dơ\ ies, dơ\ tơ\p [ồc ồng Lê Khả Phiêu geh yal wơl tơnơ\.

Thượng tướng Lê Khả Phiêu deh ngai 27 nhai 12 nam 1931 tàm xã Đông Khê, kơnhoàl Đông Sơn, càr Thanh Hoá.

Ồng neh geh tu\ at uă gơnoar broă tàm ling klàng, dờp groăt Chủ nhiệm Tổng cục Chính trị ling klàng làng bol Việt Nam; geh pồ lơh Tổng Bí thư mpồl đơng lam Đảng Dà lơgar tàm pơrjum Dà lơgar 4 (Khoá 8).

Ồng là kuang bàng Quốc hội Khoá 10. Tàm gơnoar broă là Tổng Bí thư mpồl Đơng lam Đảng Dà lơgar (12/1997-4/2001), ồng neh bal mờ mpồl kuang bàng đơng lam Dà lơgar, Bộ Chính trị, Ban Bí thư đơng lam gùt Đảng, gùt làng bol, gùt ling klàng he geh uă cồng nha dờng màng tàm broă tam gơl pa, bơ\t bơtàu mờ sền gàr Dà lơgar.

Cau mblàng Ndong Brawl