VOV4.K’ho- Lài mờ tu\ dờp at gơnoar broă Tổng Bí thư, ồng Lê Khả Phiêu là dùl nă cau ling, kuang bàng neh dờng pràn bơh broă tam lơh tàm ală tiah bơh tiah đah tô, tiah tàm gùl lơgar, tiah đah jum mờ tàm lơgar Campuchia.

Tơnơ\ mờ hơ\, dờp at gơnoar broă kuang atbồ tổng cục chính trị ling klàng làng bol Việt Nam, den tàng tàm nùs nhơm ală cau ling, sùm geh uă nùs nhơm niam mờ cau oh mi, mờ kuang đơng lam jăk chài, ngăc ngar, niam, đềt mềr mờ song dơ pă.

Ngoh rơngăc kah wơl dơ\ bal mờ mpồl lùp sền ờs mờng Quân khu Trị Thiên tus còp Tổng Bí thư lài do ồng Lê Khả Phiêu tàm hìu sơnơm 108 pa do, Trung tướng Nguyễn Mạnh Đẩu (chính uỷ Tổng cục kỹ thuật lài do, kuang atbồ cục chính sách, Tổng cục chí trị lài do) pà g^t: tu\ hơ\ Tổng Bí thư lài do ồng Lê Khả Phiêu neh ờ sô ngan mìng gơtùi sền mờ at tê.

Bu\ lah bè hơ\, mơya g^t ồng chơ\t, kung gam gơlơh ngoh rơngăc ngan. Neh geh dơ\ lơh broă bal mờ ồng Lê Khả Phiêu bơh tu\ gam tàm tiah tam lơh Trị Thiên, Trung tướng Nguyễn Mạnh Đẩu geh nùs nhơm niam bè bơta jăk chài đơng lam tam lơh bơh ồng Lê Khả Phiêu dê tu\ hơ\ là kuang atbồ trung đoàn, mờ chính uỷ quân đoàn 9 neh đơng lam tam lơh geh cồng nha jăk chài ngan tàm [òn dờng Huế.

Tàm nùs nhơm kuang bàng cấp phân đội tàm tu\ hơ\ gam niam bè nùs nhơm đềt mềr, song dơ pă mờ ală jơnau bơsram kuơ màng mờ chính uỷ bơto.

Tơnơ\ do, tu\ Trung tướng Nguyễn mạnh Đẩu là kuang atbồ cục chính sách, ồng Lê Khả Phiêu là kuang atbồ Tổng cục Chính trị, mơya ồng kung gam gàr sùm nùs nhơm niam, song dơ pă mờ jăk chài, ồng sùm jăk chài tàm broă đơng lam bơsong broă cau ling in:

-Ồng Lê Khả Phiêu sùm sền gròi tus mờ broă lơh gơwèt mờ cau ling bal mờ cau pròc mhàm ală cau ling dê.

Sồr tơrgùm bơsong mhar, niam, nền nòn ală broă gam gơlời bè broă lơh tơnơ\ mờ tam lơh bè là broă cau ling sồt să, cau ling chơ\t màng, broă roh jơnau tơng^t, broă jời ờ go\ [ồc, broă [ồc cau ling chơ\t màng, broă pơn jờng… mờ tơnơ\ mờ g^t nđờ jơ\t nam tam lơh lời wơl mờ dùl mpồl broă dờng, sơlơ tơnơ\ do sơlơ kal ke ngan.

Bu\ lah tàm tu\ neh jơh at gơnoar broă Tổng Bí thư, Tổng Bí thư lài do ồng Lê Khả Phiêu kung gam ờ lời bơsong ală hoàc huơr gam gơlời tơnơ\ mờ tam lơh.

Đại tá Phan Sỹ Thao, kuang atbồ mpồl lam sồr mpồl dong kờl hìu nhă cau ling chơ\t màng lơgar Việt Nam pà g^t, Tổng Bí thư lài do ồng Lê Khả Phiêu là cau neh dong kờl, hòi jà ai geh broă crơng gơs mpồl dong kờl hìu nhă cau ling chơ\t màng lơgar Việt Nam.

Bu\ lah tàm gơnoar broă lơi, Thượng tướng Lê Khả Phiêu kung sùm sền gròi tus mờ ală hìu nhă cau ling chơ\t màng, ală hìu nhă geh sră dong kờl, cau geh màng mờ dà lơgar.

Đại tá Phan Sỹ Thao pà g^t pa do Tổng Bí thư lài do gam sồr mpồl dong kờl hìu nhă cau ling chơ\t màng pơn jăt tai lơh niam broă nàng jòi geh [ồc ntìng cau ling chơ\t màng, nàng tơl^k nùs nhơm kis g^t jơnau g^t adăt mờ ală cau neh phi să tài dà lơgar:

-Wa Phiêu ờ su\k ngan ală hìu nhă cau ling chơ\t màng, cau ling sồt să, ală hìu nhă geh màng mờ dà lơgar, rài kis bơh ală cau do bè lơi, tàm hơ\ uă ngan là ală cau ling chơ\t màng ờ hềt geh jòi go\ [ồc den wa ờ su\k ngan.

Mờ wa sồr mpồl là lơh bè lơi pal jòi ală jơnau yal bè cau ling chơ\t màng bơh ală cau ling yau, bơh ală hìu nhă cau ling chơ\t màng bơh ală tiah tam lơh lài do nàng geh jơnau yal di pal uă yal mờ ală hìu nhă cau ling chơ\t màng, cau pròc mhàm cau ling chơ\t màng in lòt jòi.

Bu\ lah geh lơh broă bal mờ Thượng tướng Lê Khả Phiêu tàm tiah tam lơh, mơya Trung tướng Đặng Quân Thuỵ, Phó Chủ tịch Quốc hội lài do, Chủ tịch mpồl cau ling yau lơgar Việt Nam sùm geh nùs nhơm bè Tổng Bí thư lài do ồng Lê Khả Phiêu là dùl nă kuang bàng đơng lam geh bồ tơngoh kơlôi sơnơng jăk chài, mùl màl mờ jal mhar.

Mờ broă dờng pràn tàm mùl màl tam lơh, Thượng tướng Lê Khả Phiêu neh geh tu\ gan jơh ală tiah tam lơh bơh đah tô, tàm gùl, đah jum mờ tiah tam lơh lơgar Campuchia, tơnơ\ do geh dờp at gơnoar broă đơng lam Tổng cục Chính trị ling klàng làng bol Việt Nam, jăt Trung tướng Đặng Quân Thuỵ yal, kơnờm mờ hơ\, den tàng tàm gơnoar broă Tổng Bí thư, ồng Lê Khả Phiêu neh geh ală broă pơgồp bal kuơ màng ai broă bơ\t bơtàu Đảng in:

-Ồng neh geh ală broă pơgồp bal kuơ màng đảng in, tàm hơ\ uă ngan là tàm broă bơ\t bơtàu mờ tơnguh đảng tềng đăp mờ ală bơta gơl^k geh. Ồng kung neh ring bal tàm Đảng dà lơgar mờ tàm gùt đảng bè ală broă di gơlan gơbàn mờ đảng pal lơh ngan tam dră mờ tơmù.

Tàm hơ\ uă ngan là broă di gơlan gơbàn ờ pràn, tam gơl ờ niam, sa kuề sa koà bơh uă kuang bàng, cau geh đảng tàm đảng dê. Ồng neh lời wơl Đảng in ală jơnau bơsram kuơ màng ngan.

Tơl nă cau geh dùl nùs nhơm sền go\, mơya tàm nùs nhơm ală cau oh mi, cau ling, Thượng tướng, Tổng Bí thư lài do ồng Lê Khả Phiêu đềt mềr ngan, song dơ pă ngan mờ là kuang đơng lam jăk chài, mhar ngan.

Cau mblàng Ndong Brawl