VOV4.K’ho – Mho òr, Tổng Bí thư Nguyễn Phú Trọng, chủ tịch lơgar Trần Đại Quang wă Chủ tịch Quốc hội Lào mò Pany Da-tho-tu lam bồ Mpồl kuang bàng dờng màng Quốc hội lơgar Lào gam ơm còp ngan ngồn lơgar he. Tàm ală dơ\ tìp mat, Tổng Bí thư Nguyễn Phú Trọng mờ Chủ tịch lơgar Trần Đại Quang ndrờm đơs niam cồng nha tam klac bal đah 2 Quốc hội tàm tơngai lài mờ sồr tàm tơngai tus, Quốc hội 2 lơgar kung bè ală Ủy ban bơh Quốc hội dê sơlơ tam klac, cribơyai jơnau tơnggit, mờng chài, jak chài lơh broă tàm gah crơng gơs kơrnuat boh lam, sền gròi mờ tơlik kơrnuat ală bơta dờng bơh dà lơgar dê; sơlơ lòt sền, sền gròi, chul chồl, đơng lam ală gah, sơnah lơh broă, ală tiah, kờp bal mờ ală mpồl lơh sa kă bro tàm broă mut lơh jat ală jơnau yal bơr bal Việt Nam – Lào mờ ală jơnau ringbal đah kuang đơng lam bồ dờng màng 2 Đảng, 2 dà lơgar. Bơh hơ\ pơgồp bơnah bơtàu tơnguh git gơp kuơ màng Lào - Việt Nam ngai sơlơ geh cồng nha, tài bơta kuơ bơh 2 jơi bơtiàn mờ làng bol tơl lơgar dê.