VOV4.K’ho – Drim òr 19/12, Tổng Bí thư Nguyễn Phú Trọng, Kuang đơng lam Đảng gah ling klàng dà lơgar tus còp mờ lơh broă mờ Tổng cục 2 di Bộ Sền gàr dà lơgar. Đơs tàm dơ\ lơh broă, ồng Nguyễn Phú Trọng tơngo\ nùs nhơm chờ hờp geh lòt còp Tổng cục jòi sền jơnau ndơ\p ndơr Bộ Sền gàr dà lơgar là dùl tàm mpồl lơh broă kuơmàng, mờ pin dờn ngan bơh Đảng, Dà lơgar mờ mpồl ling klàng dê di tàm dơ\ tơngkah 70 nam Ngai gùt lơgar tam lơh mờ 72 nam ngai crơng gơs Mpồl ling klàng làng bol Việt Nam. Tổng Bí thư Nguyễn Phú Trọng pin dờn, mờ đơs là: Bulah gùng lòt tềng đap mat gam uă kal ke, kơnòl broă kơn jơ\ ngan, mơya bơh bơta đơng lam bơh Đảng dê, bơta dong kờl bơh ală bộ, gah lơh broă dà lơgar mờ ală càr mờ [òn dờng dê, jòi sền jơnau ndơ\p ndơr sền gàr dà lơgar geh sơrlèt gan jơh ală kal ke, bơta lòng, lơh gơs jak ngan kơnòl broă là anih lơh broă jòi sền jơnau ndơ\p ndơr dờng màng bơh Đảng, Dà lơgar mờ anih lơh broă jòi sền jơnau ndơ\p ndơr ờs mờng gah broă ling klàng bơh Mpồl đơng lam đảng ling klàng dà lơgar, Bộ sền gàr dà lơgar dê, pơn jat tai lơh geh uă tai cồng nha mờ bơhiàn pơnrơ ngan bơh jòi sền jơnau ndơ\p ndơr sền gàr dà lơgar Việt Nam khin cha jak chài dê.

Cau cih mờ yal tơngi\t- Lơ Mu K’ Yến