VOV4.K’ho – Tàm 2 ngai, 19 mờ 20/2, Tổng Bí thư Nguyễn Phú Trọng neh tus còp mờ lơh broă tàm càr Bạc Liêu. Lơh broă mờ Ban Thường vụ Tỉnh uỷ mờ kuang bàng kuơ màng càr Bạc Liêu, Tổng Bí thư Nguyễn Phú Trọng đơs là, Bạc Liêu gam gơtìp uă kal ke bè phan bơna - mpồl bơtiàn ờ pràn, gơtìp aniai kơn jơ\ bơh tam gơl trồ tiah, kal ke bè cau lơh broă. Den tàng tơngai tus, càr pal pơnjat tai lơh sir rơndap ù tiah, rơndap broă bơtàu tơnguh tơl làm dipal mờ bơta pơn rơ is. Bạc Liêu pal sền gròi bơtàu tơnguh lơh sa dà lềng, kup ka ngài hờ gah dà lềng, pơ gồp bal mờ sền gàr gơ noar tờm bồt dà lềng; mơkung pơnjat tai geh bơta pràn là tiah lam lài bè bơtàu tơnguh ồs đèng càl, đèng mattơngai. Kờ` mut lơh ală kơ nòl, jơnau kờ` pa yal, jat Tổng Bí thư Nguyễn Phú Trọng, Đảng bộ càr Bạc Liêu pal sền gròi tus broă kuơ màng là bơt bơàu Đảng, bơt bơtàu ròt mpồl lơh broă chính trị, kơ\ nùs mut lơh jat Nghị quyết dà lơgar 4 kơnă 12. Tổng Bí thư Nguyễn Phú Trọng đơs tờm, Đảng pràn kơldang kơ\ kơljap, tam klac tàm dơlam is mpồl, git wă bơyai lơh jat kơrnuat lơh broă krà` cê, mơkung tơnguh jơnhua kơnòl cau lam bồ là ală bơta kuơ màng ngan rlau jơh nàng đơng lam bơtàu tơnguh lơh sa mpồl bơtiàn gơ lòt di jat rơndap broă ai tơlik.

         Cau cih mờ yal tơnggit K’Duẩn