VOV4.K’ho - Ngai òr (20/7), tàm gơlang cau bơtau, bơtau lơgar Campuchia ồng Norodom Sihamoni neh đơng lam dơ\ wă Tổng Bí thư Nguyễn Phú Trọng mờ ală broă lơh dờng màng ngan. Tàm dơ\ cri bơyai tơnơ\ mờ hơ\, 2 gah neh yal bal bè broă lơh tơl lơgar dê.

Ồng Norodom Sihamoni, bơtau lơgar Campuchia chờ gờm Tổng Bí thư Nguyễn Phú Trọng

Ồng Norodom Sihamoni neh chờ gờm ală cồng nha dờng màng, geh kuơ màng ngan tàm rài mờ lơgar Việt Nam neh geh tàm broă tam gơl pa dà lơgar; kơ\p kờ` làng bol lơgar Việt Nam geh uă cồng nha pa, dờng màng rơlao tai.

Ồng Nguyễn Phú Trọng neh chờ gờm lơgar Campuchia pa bơyai lơh geh cồng nha dơ\ te\ khà Hội đồng xã, sơnah [òn, ai bơnàng kơl jăp tàm broă gàr niam chính trị, sền gàr bơta lơngăp lơngai, tơnguh bơtàu lơgar Campuchia dê.

Tổng Bí thư Nguyễn Phú Trọng cri bơyai mờ Thủ tướng lơgar Campuchia ồng Hun Sen

2 nă kuang đơng lam neh đơs tòm, geh lơh jơh pràn kờ` sền gàr, tơnguh mờ lam sồr tai ală rài tơnơ\ do in sùm tam klăc, g^t gơ\p, lơh bơyô bal ờs mờng mờ lơh broă bal tơl ală bơta bơh lơgar Việt Nam mờ lơgar Campuchia sùm sùm tơlir niam, rài rài kơl jăp.

Pơn jăt tai dơ\ tus còp mờ lơh broă tàm lơgar Campuchia, ồng Nguyễn Phú Trọng neh geh ală dơ\ cri bơyai mờ Chủ tịch Thượng viện ồng Say Chhum, Chủ tịch Quốc hội ồng Heng Samrin, Thủ tướng Chính phủ ồng Hun Sen, cri bơyai bè ală broă chồl pràn broă lơh g^t gơ\p, lơh bơyô bal ờs mờng, lơh broă bal bơh 2 lơgar dê.

Cau cih mờ yal tơng^t Ndong Brawl