VOV4.K’ho – Kung tàm dơ\ lòt còp mờ lơh broă tàm càr Gialai, mho òr 12/4, Tổng Bí thư Nguyễn Phú Trọng neh lòt còp mờ lơh broă tàm xã Ayun, là xã kal ke uă ngan tàm kơnhoàl Cư\ Sê. Đơs tàm dơ\ lơh broă, Tổng Bí thư sồr kuang đơng lam bồ dà lơgar mờ tiah do geh mat tàm dơ\ lơh broă tơrgùm mblàng, kơlôi sơnơng nàng jòi tus gơlik geh jơnau bơh tài lơh gơbàn kal ke tàm xã Ayun mờ ală gùng dà broă lơh tă bơsong. Tổng Bí thư sồr lơh mhar rơndăp broă lơh bơtơ\t rbòng dà Plei Keo, lơh geh tơl ală bơta dong kờl làng bol geh dà ngui sa, mờ lơh broă sa, lài ngan là drơng tàm broă lơh sa 500 lồ ù lơh broă sa sươn sre. Ồng kung tơngkah, tàm ală tu\ lơh ală bơtơ\t rbòng dà kờn pal hòi jà tai bơta pràn bơh làng bol dê mờ ờ go\ di là mìng kơ\p kơnờm uă tàm bơta dong kờl bơh dà lơgar dê. Jat Tổng Bí thư, kờn Ayun klàs bơh bơta r[ah kơ\ kơl jăp den pal tơnguh jơnhoa bồ tơngoh gi\t wa\ làng bol dê, tam gơl jơnau kơlôi sơnơng, broă lơh mờ pal geh bồ tơngoh lơh ngan sơrlèt gan, lơh ngan ờ bài kờn ko\ng mờ bơta jơgloh r[ah.

Tổng Bí thư Nguyễn Phú Trọng còp mờ pà phan bi Đinh Liam in, do là hìu bơnhă lơh sa jak tàm [òn Tung Ke 1, xã Ayun, kơnhoàl Cư Sê

Tổng Bí thư Nguyễn Phú Trọng, đơs bè do: “Tàm jơnau yal bơh xã dê geh bơyai lơh dùl ròt dơ\ lam sồr, tàm hơ\ a` sền go\ dơ\ lam sồr tam gơl jơnau kơlôi sơnơng, broă lơh, tàm làng bol kòn cau, nàng ngai sơlơ klàs bơh bơta r[ah kơ\ kơl jăp. Bol he pal tam gơl is, tơnguh jơnhoa bồ tơngoh gi\t uă, lơh ngan sơrlèt gan, kơloi sơnơng jrô rlau tai”.

Cau cih mờ yal tơngi\t- Lơ Mu K’ Yến